මට තාම කතාව ගැන ලොකු තේරුමක් නෑ.
(කලාව - සාහිත්‍ය වටිනා බව දැනගත්තට අපිට හරියකට ඒවා ඉස්කෝලෙදි ඉගැන්නුවෙත් නෑ. තනියම ඉගෙන ගත්තෙත් නැති හින්දද මංදා..)

-
මේ කතාවේ තියෙන ගැමි පරිසරය, හද්ද පිටිසර දුෂ්කරතා මැද ජිවිතය වගේ දේවල් තරමකට ලං වෙනවා වගේම ඒක අපේ පරණ ජිවිතයට සරලව තිබ්බ නිදහස් ජිවිතයට ලං වෙන බව හිතෙනවා..

- තණමල්විල නොගියත්, මම නිතර අනුරාධපුර ( මැදවච්චිය, කැබිතිගොල්ලෑව, පදවිය), පොලොන්නරු පැති වල ඇවිදිනවා... ඒ පැති වලදි මිනිස්සු ගොඩක් වෙලාවට හරි සරලයි..
බස් එකක ගියත්, අපේ මහා බෑග් මළු උනත් තමන්ට බෑග් තියෙද්දි පවා ගන්න මිනිස්සු ඉන්නවා...
කොළඹදි තමන් අතේ මොකුත් නැතත්, අපේ තියෙන පොඩි බෑග් එකක් පවා ගන්න බස් වලදි මිනිස්සු කැමති නෑ...
ඒ පැති වල මිනිස්සු අතර නෑකම තියෙනවා.. ඒවගේම මරණයක් - මගුලක් ගමම දන්නවා.. සමහරවිට ගම නෙමෙයි ගම් 7ක්ම දන්නවා එනවා.. ( කොළඹදි අල්ලපු ගෙදර කෙනෙක් මැරුණත් සමහරවිට දන්නෙ නෑ)
යුද්ධයේ වේදනාව එක්ක බැඳුනු දේවල් එක්කත් මේ කතාවේ සමානකම් මම ඇවිදින දන්න පැති එක්ක හොදට ගැලපෙනව..

සමහරවිට අපි රටක් විදියට හිතන්න ඕන ඒ සරල ජිවිතයේ වටිනාකමක ගැන.. ඒක මට හිතෙන දෙයක් කාලෙක ඉදල..
මේ කතාව ඒකට උද්දීපනයක් දෙනව..
‍

#තණමල්විලකොල්ලෙක් #thanamalwilakollek #itn

ගොඩක් අය තමන්ගෙ මේ ජිවිතේ හැමදේම වෙනුවෙන් උපරිම කැපවෙලා ජයග්‍රහණ ලබාගන්නවා. ඒක හොද දෙයක්. හැබැයි එයාල අධ්‍යාත්මික ජිවිතය, සංසාරය වගේ ඒවා ගැන දක්වන්නෙ බොහොම අඩු උනන්දුවක්. ඒක වරදක් කියන්න බෑ. නමුත් සංසාරය සහ ඒවා ගැන හිතද්දි, සංසාරේ ඕනෑ තරම් අපි මේ වගේම තමන්ගෙ මේ ජිවිතයේ දියුණුව වෙනුවෙන් කැපවෙලා කටයුතු කරලා ඇති. ඒක හැමදාම අපි කරමින් ඉන්නවා.
වෙන රටවල, ලෝකයේ දියුණුව ගැන කියනවා. අලුත් නිර්මාණ වෙනවා කියල කතා කරනවා. නමුත් ලෝකයේ එහෙම අමුතු අලුත් දෙයක් වෙන්නෙ නෑ. චක්‍රයක් තියෙන්නෙ. භෞතික ලෝකය දියුණු වෙද්දි, අධ්‍යාත්මික ලෝකය යට යනවා. අධ්‍යාත්මික ලෝකය ඉහල එද්දි භෞතික ලෝකය දියුණු වෙනවා. අපේ මේ පෘතුවිය පවා මීට වඩා භෞතිකව ඉතාම දියුණු කාලයන් තිබිලා තියෙනවා.

● බොහොමයක් අය හිතාගෙන ඉන්නෙ, තමන්ගේ දියුණුව උපරිම කරගෙන, ජිවිතේ විඳලා ඒ අතර දානයක් දීලා, අසරණ කෙනෙක්ට උදව්වක් කරාම ඒකෙන් සංසාරෙම හරියනවා කියල. ඒක එහෙම නම් හරි ලේසි වෙන්න ඕන.
( බොහොම කලාතුරකින් “ සංතති ඇමති “ වගේ කතා තියෙන්න පුලුවනි)
ඒ ඇර, මොකක් හරි අකුසලයකට අවුරුදු 1000, ලක්ෂ නෙමෙයි ඊටත් වඩා සමහරවිට කල්ප ගණන් හිර වෙලා ඉන්නව වෙන කාලයක් ආවොත් තමයි හිතෙන්නෙ මනුෂ්‍ය ජිවිතය තිබිලා දෙයක් කරගත්තේ නෑනේ කියල. ඒ විඳවීම මෙච්චරයි කියන්න බැහැ. වේළුවන පූජාව එක්ක ප්‍රේතයන් 84,000ක් කල්ප 92ක් විඳපු අකුසලය ගැන හිතද්දි, දන්න ඒව හිතද්දි ඒක එහෙම හිතෙනව...

● ඒත් කල්පනා කරද්දි සංසාරය එහෙම සරල දෙයක් නෙමෙයි. ඒක එහෙමට සංකීර්ණත් නෑ ඉතින්. භාවනාව කියන්නෙ නිවරදි සිහිය  සහ ප්‍රගුණ කිරීම. ඒක හැමදේදිම කරනව නම් හොදයි. ඒකියන්නෙ මේ කුසල් විපාකය ගැන හිතල හිත හදාගන්න එක, උවමනා අය ඉන්නව නම් අනුමෝදන් වේවා කියල හිතන එක. ඒවගේම මේ කුසලය කවදමහරි විපාක දීලා ඉවර වෙන බව සිතීම - අනිත්‍ය ගැන තේරුම් ගැනීම.

-
වේළුවන පූජාව ගැන,
ගලිගමුවේ ඥානදීප හිමියන් විසින් කරන ලද දේශනාවක් ඇසීමෙන් පසුව මට හිතෙන දේවල්..

#නිදහස දෙසට - ගල්කන්දේ ධම්මානන්ද හිමි

- ආගමික නායකයින්ගේ කාර්යභාරය වන්නේ දියුණු මනුෂ්‍යයෙක් හදන්නට කටයුතු කරන්නයි. ඒක පාලකයෙක් බලයට පත් කරනවා - හෝ බලයෙන් පහ කරනවා තරම් ලේසි දෙයක් නෙමෙයි.
- බුදුන්වහන්සේත්, ජේසුස්වහන්සේත් ජිවිතයෙන් වැඩි කාලයක් ගත කලේ පාලකයන් පත් කරන්න හෝ ගෙදර යවන්න නෙමෙයි. සාමාන්‍ය මිනිස්සු අතර දියුණු මනුෂ්‍යයා හදන්න.

- පහුගිය කාලේ ජාතික ගීය, සිංහල සහ දෙමල භාෂා 2න්ම ගායනා කරපු අවස්ථාවක් ආවාම අගය කලා ලංකාවේ ජන සමාජය ඉතාම උසස් තලයකට ලංවුනු මොහොතක් හැටියට.
ඇයි එතරම අගය කලේ ?

ඒක බුදු දහමේ එන මූලික සංකල්පයකට ඉතාම ලග එකක් නිසා.
බුදු දහමේ එන විමුක්ති මාර්ගයේ, ආර්ය අෂ්ටාංගික මාර්ගයේ ප්‍රඥා කියන කොටසට අයිතියි,
අව්‍යාපාද සහ අවිහිංසා කියන සංකල්ප 2.

- අව්‍යාපාද සහ අවිහිංසා යන සංකල්ප 2 ගත්තාම,
ඒක ඉතාම ලග වෙන්නේ, ආදරය, කරුණාව, පිලිගැනීම, අන් අයට ගෞරවය ලබාදීම, මෛත්‍රී සහගත වීම කියන කාරණා වලට.

මේ රටේ තවත් ජන කොටසකට අභිමානයක් එන පරිදි, එම අයගේ භාෂාවෙනුත් ජාතික ගීය ගයනවා කියන එක, ඒ අයට ආදරය ගෙනයන එක, මෛත්‍රිය ගෙන යන එක, ඔවුන්ට සමානව සැලකීම එක්ක සම්බන්ධයි.
එනිසයි ඒක බුදු දහමට සම්බන්ධයි කියල. ඒවගේම ඒක බුදු දහමේ එන උසස් මනුෂ්‍යයා ලගට යන එක අවස්ථාවක් විදියට !!!

- නිදහස් දිනයෙදි සිංහල සහ දෙමළ භාෂා 2න් ජාතික ගීය ගැයෙනකොට,
ඒකෙන් කියැවෙන්නේ, අපි ඔක්කෝම සහෝදර සහෝදරියෝ, ප්‍රේම වඩා සැම භේද දුරලා අපි අපේ මව්බිමට වඳිමු කියන එක.
ඒක නෙමෙයිද විය යුත්තේ ?

ඇයි ජාතික ගී 2ක් ?
අපිට බැරිද එකම ජාතික ගීය ඇතුලෙ, සිංහල සහ දෙමල කියන 2ම ඇතුලත් වෙන්න හදන්න.

- අපිට පුලුවන් නම්, අපේ මුහුද පිටරටට ලබාදෙන්න, ඉඩම් පිටරටට ලබාදෙන්න ගිවිසුම් අත්සන් කරන්න,
අල්පෙනෙත්තක් තරම් දෙයක්වත් නැති නොවෙන පරිදි, මේ රටේ ජන කොටස් සියලුදෙනාට අභිමානය එන පරිදි, භාෂා 2න්ම යුක්ත ජාතික ගීයක් හදාගන්න එක කොයිතරම පහසුද.
ඒ වගේ තීරණයක් ගත්තොත් ඒවගේ තීරණයක් එක්ක එකතු වෙන්න පුලුවන් දියුණු මිනිස්සු හැදෙන්න ඕන.

- අවුරුදු 20 ගණනක් තමන්ව හිරේ යවලා දුක් පීඩා දුන්නු ජන වර්ගයෙක් භාෂාව තමන්ගේ ජාතික ගීයට එක්කලා, ජනාධිපති උනාට පස්සේ ඒ නෙල්සන් මැන්ඩෙලා - දියුණු මිනිස්සු ලෝකේ බිහිවෙලා තියෙනවා. අවශ්‍ය වෙන්නෙ ඒ කැපවීම.
ඒ දියුණු මිනිස්සු බිහි වෙනකොට අපි ඉන්න එකක් නැහැ සමහරවිට, හැබැයි අපි පටන් ගන්න ඕන - ඒකයි ආගමික නායකයින්ගේ කාර්යභාරය !!!

-
මගේ අදහස,

‍දෙමල අපේ අය, ඊලාම් ගීය ගයන එකද හොද ?‍‍

‍තේරුම් වෙනස් නොකර, තමන්ටත් දැනෙන විදියට අපේ ජාතික ගීය ගායනා කරන එකද ?

- මම සිංහල නිසා මට වැඩිය දැනෙනවා සිංහලෙන් කියන දේ.
‍දෙමල කෙනෙක්ටත් එහෙමයි...

#srilanka #independenceday2019 #tshfeb2019

It was about restorative justice - Professor Barry Hart was the keynote speaker

බණ්ඩාරනායක සම්මන්ත්‍රණ ශාලාවේ “ඕකිඩ්“ කොටසේ පැවති මෙම වැඩසටහනේදි කියැවුනේ, සාධරණත්වය මානුෂීය ආකාරයකින් සිතීම සහ ක්‍රියාවට ගැනීම පිලිබදවය. ඒ ගැන මහාචාරය බැරී හාට්ගේ දේශනයෙන් පැහැදිලි විය.

මට අනුව අප රටේ බොහෝ අසාධාරණ කටයුතු සිදුවන අතර, මා ඒවා අත්දැකීමෙන්ද දන්නේ එවන් බොහෝ දේ වල නියැලී ඇති නිසාවෙනි. තවද ඒ බොහෝ අවස්ථා වල නිසි ලෙස කටයුතු සිදු නොවන අතර, මානව හිමිකම් කවුන්සලයෙන් දෙන නිර්දේශයක් පවා අපට අදාල නැති ලෙස පවසා කටයුතු නොකරන්නට කටයුතු කරන අය වෙති.
19 වන සංශෝධනය අනුව විධායක ජනපති බලතල හිමිවුනු කොමිසමක් වන මානව හිමිකම් කවුන්සිලයේ තීන්දු තීරණ ක්‍රියාත්මක කරගැනිමට නම් ශ්‍රේෂ්ඨාධිකරණයට පවා යා යුතු වේ.

තවද, ජාතික ගී 2ක් ගැයීම ගැන ලොකු ගැටළුවක් රට තුල පවති. එය ජාතික ගීය භාෂා 2කින් මිස වෙනස් ජාතික ගීයක් නොවන නිසා ගැටළුවක් නොවිය යුතු දෙයකි.
දෙමල අය ඊලාම් ගීය ගයනවාට වඩා අපේ ජාතික ගීය ඔවුන්ටද දැනෙන ආකාරයෙන් ගායනා කිරිම ඉතා වැදගත්ය.

මේ සියලු කරුණු අතර මගේ අත්දැකීම් වල ඇති පරිදි නැති ජාතිවාදයක් ඇති කර දේශපාලන බලය ගන්නේ ලොකුවට මුදල්ද යොදවාය. නමුත් හොද මිනිසුන් සියල්ල මේ වෙනුවෙන් කරන කටයුතු ඉතා මදය. ඒවා ප්‍රශංසනීය වුවද එම හඩ වියැකී ගොස්ය. පොදු සමාජයට බලපෑම් නොකරනසුළුය. එය සමස්ත රටටම හානියකි.

හොද රටක් - යුතුකම් - වගකීම් - සාධාරණය ඉටු වෙන රටක් හැදීමට නම් ඒවාද සිතිය යුතුය. 

“ ඔයාට බුදු බව ලැබේවා “

අද කරපු Social Media සම්බන්ධ උදව් වලදී මට එක ගෑණු ළමයෙක් කිව්වා.

බුදු බව ලැබේවා කියල 2-3 වතාවක් කියපු නිසා මම බුද්ධත්වය ගැන මම දන්න ඒවා කල්පනා කරා..

 කෙනෙක් ඇහුවොත්, ලෝකයේ ආරම්භය කොහේද, මුලින්ම ඇති උනේ කවුද ? දෙවියෝ ඉන්නවද නැද්ද ? පරලොව තියෙනවද නැද්ද වගේ ප්‍රශ්න, මම දෙන උත්තරය ඔය හැමදේම දැනගන්න බුදු වෙන එක... සියලු දේ දත් නුවණ ලැබෙන්නෙ බුදුවරයෙක්ට විතරක් නිසා “සර්වඥතා ඥානය“ ..

- බුදු කෙනෙක් වෙන්න, තමන්ගෙ අම්මගෙන් විවරණ ලබන්න ඕන. ඒවගේම පහල වෙන සෑම බුදුවරයෙක් ගෙන්ම විවරණ ලබන්න ඕන.

- බුද්ධත්වය ප්‍රාර්ථනා කරන දහස් ගණන්, ලක්ෂ ගණන් ලෝකයේ ඉන්නවා.

- අපේ ගෞතම බුදුන්වහන්සේගෙ කාලයේ ආර්ය මෛත්‍රිය භික්ෂුව නමින්, මතු බුදු වෙන මෛත්‍රී බෝධිසත්වයන් පැමිණ භික්ෂූන්වහන්සේලාට ඉගැන්නූ බව සඳහන් වෙනවා.

ඒ කියන්නෙ කොයිතරම බෝධිසත්වවරු හිටියත්, ගෞතම බුදුන්වහන්සේගෙන් විවරණ ලැබුවේ මෛත්‍රී බෝධිසත්වයන් විතරයි.

ඉතින් අපි දන්න දේව මණ්ඩලයේ ගොඩාක් දෙවිවරු පවා බුද්ධත්වය ප්‍රාර්ථනා කරනවා. ඒ වෙනුවෙන් සාරා සංඛ්‍ය කල්ප ලක්ෂයේ සිට සොලසාසංඛ කල්ප ලක්ෂය දක්වා පෙරුම් පුරන්න ඕන.
ඒ කියන්නේ හිතාගන්න බැරි කාලයක් ඒ වෙනුවෙන් පෙරුම් පුරන්න ඕන.

බුදුවරයෙක් වෙන බෝධිසත්වයෙක් සංසාරයේ කරන කැප කිරීම,  රස්තියාදුව මෙච්චරයි කියන්න බැහැ..

බොහෝමයක් බුද්ධත්වය පතන අය, යම් කාලෙකට පස්සෙ දේවල් තේරුම් අරගෙන අරහත්වයට පත් වෙලා නිවන් සාක්ෂාත් කරගන්නවා.

ඔය දේවල් දන්න මම, බුද්ධත්වය ප්‍රාර්ථනා කරන්නෙ නෑ !
මේ ජිවිතයේ කරන - කරපු කැපකිරීම් ගැන දන්නවා උනත්, බුදු වෙන බෝධිසත්වයන් කරන කැපකිරීම තරම් කරන්න හැකියාවක් නම් නැත..

ඉධ තප්පති පෙච්ච තප්පති – පාපකාරී උභයත්ථ තප්පති
පාපං මේ කතන්ති තප්පති – භියෝ‍යා තප්පති දුග්ගතිං ගතෝ

(පව් කරන්නා මෙලොවත්, පරලොවත් තැවෙයි. දෙලොවම තැවෙයි. පවක් කරන ලදැයි සිතා තැවෙයි. දුගතියට ගොස්ද බොහෝ තැවෙයි - ධම්ම පදය )

#tshjan2020 #WishtobetheBuddha #බුද්ධත්වයපැතුම

අලුත් ආණ්ඩුවේ වියත් මග බස්නාහිර ආණ්ඩුකාරවරිය නීතියට පිටින්ද ?

අප රටේ මූලික නීතිය රටේ ආණ්ඩුක්‍රම ව්‍යවස්ථා නීතියයි. එම ආණ්ඩුක්‍රම ව්‍යවස්ථාවේ ආණ්ඩුකාරවරයා පිළිබඳ සටහන් වන කෙටසේ 154 (ආ)(7) වගන්තියට අනූව,

“ ආණ්ඩුකාරවරයා විසින් වෙනත් කවරවූ හෝ ලාභදායී ධූරයක් හෝ තනතුරක් නොදැරිය යුත්තේය.”

යනුවෙන් ඉතා පැහැදිලිව සඳහන් කර තිබියදී බස්නාහිර පළාත් ආණ්ඩුකාරවර වෛද්‍ය සීතා අරඹේපොල මහත්මිය විසින් මෙලෙස පුද්ගලික රෝහල්වල (ගෝල්ඩන් කී රෝහල, හේමාස් තලවතුගොඩ, හේමාස් වත්තල) මුදලට රෝගීන් පරීක්ෂා කිරීම  ආණ්ඩුක්‍රම ව්‍යවස්ථාව  උල්ලංඝනය කිරීමකි.

-
වත්මන් ආණ්ඩුව පැමිණි දිනයේ සිට, පොරොන්දු එකක්වත් කෙසේ වෙතත් සහන කපමින් වාසි ලබා ගනිමින් වෙනම ගමනක යන බව නම් කිව හැක. 

මෛත්‍රී භාවනාව

මම මෛත්‍රී භාවනාව ඇතුළු සමථ භාවනාත්, සක්මන් භාවනාව ඇතුළු විදර්ශනා භාවනාත් ගණනාවක් කරල තියෙනවා.
එයින් මගේ කැමැත්ත උනේ, මෛත්‍රී භාවනාවටයි. ඒකට හේතුව සියලු සත්වයන්ටම මෛත්‍රි කරන්න බුදුන්වහන්සේ උගන්වන නිසා. කරණීයමෙත්ත සූත්‍රෙය් පැහැදිලිව ඒ ගැන විස්තර කෙරෙනවා..

‍කොයිතරම කරල තිබ්බත්, දැනෙන්න මෛත්‍රී භාවනාව කරනවා දැනුනේ, උපදෙස් ලැබුනේ යටලමත්තේ

කුසලනන්ද හිමි, මරාවේ ධම්මරතන හිමි සහ ගල්කන්දේ ධම්මරතන හිමි යන ස්වාමීන්වහන්සේලාගෙනුයි.

- අද Shantarakshit හාමුදුරුවන් විසින් මෙහෙයවපු මෛත්‍රී භාවනාව වගේම ධර්ම සාකච්ඡාවටත් සහභාගි වෙන්න ලැබුනා.

- උන්වහන්සේ මෛත්‍රී භාවනාව කලේ උන්වහන්සේගෙ විදියටයි. ඒක මම දැකපු ලොකුම විශේෂත්වයක්. හැමදේම අනුකරණය කරන කාලෙක Unique විදියට කිරීම ඇත්තටම සතුටක්..

- ඒවගේම සියලු සත්වයන්ටම, විශේෂයෙන් තිරිසන් සතුන්ට පවා මෛත්‍රී කල යුතු බව ඒක අපි ප්‍රගුණ කල යුතු දෙයක් බව ප්‍රායෝගිකව උන්වහන්සේ පෙන්වා දුන්නා. ඒවගේම තමන්ටම මෛත්‍රී භාවනාව තනියම කරගන්නට අවශ්‍ය වෙන විදියට උපදෙස් දුන්නා. ඒකත් විශේෂයි.

- මදුරුවෙක් උනත් නොමරන තැනට මෛත්‍රිය පුරුදු පුහුණු කල යුතු බව වගේම බල්ලෝ - පූසෝ උනත් ජිවිත අයිතිය වගේම අපි වගේම ජීවත් වෙන ප්‍රාණීන් කියන දේත් සාකච්ඡාවට ගැනුනා.
- විවිධ හේතු නිසා පත්තු කරන රතිඤ්ඤා නිසා අසරණ සතුන්ට බිය ඇති කිරීම වගේ දේවල් පවා ඇත්තටම මෛත්‍රිය තියෙන කෙනෙක් කරන දේවල්ද කියන කාරණාවත් සාකච්ඡා උනා.
“ තමා උපමා කොට තමා ගැන සිතා අන් අයට එසේ කරුණාව - මෛත්‍රිය ( Loving Kindness) පැතිර විය යුතු බවත් කියවුනා..

- උන්වහන්සේගේ ඉල්ලීමට රෙකෝඩ් නොකරපු එක ගැනත් කණගාටුවක් ඇති වෙනව. ඒ තරම හොදින් දැනෙන්න කල නිසා..

ඔබවහන්සේට නමස්කාරපූර්වක ස්තූතිය !

#mettabhavana #tshjan2020

සිංහලයා මෝඩයා - කැවුම් කන්න සූරයා

මේක හොයාගෙන යද්දි ඇතිවෙන්නෙ පෘතුගිසි කාලේ.

හදල තියෙන්නෙ. මී ගහේ, තියෙන පැණි වලින්. ඒ කැවුමේ පෙනිසිලීන් අධිකව තිබිලා තියෙනවා.
ඒ කාලේ යුද්ධෙක අණ බෙර ගැහුවාම, කෑම මල්ලේ අනිවාර්ය තියෙන්නෙ ආයුධ එක්ක කැවුම්. ශක්ති ජනක සහ පෙනිසිලීන් වල තියෙන ගුණය නිසා තුවාලයක් වගේ උනොත් කැවුම තියල බැන්දාම තුවාලය සුව වීමත් වෙන නිසා. ඒ වගේම කාලයක් නරක් නොවී ඉන්න හැකියාවත් කැවුමට තිබිලා තියෙනවා.

👉 කැවුම් වැඩියෙන් කන කෙනෙක් මෝඩයෙක් විදියට හංවඩු ගැහුවේ,
“ කැඳ බිව්ව වගේ “ , “ කිරිබත් කෑවාම නිදිමතයි “
යනාදි විදියටයි.
ඒ විදියට මනසට රිංගවලා අපේ දේවල් අපෙන් ඈත් කරන්නයි. කැඳ බිව්වාම ශරීර ශක්තිය හැම අතින්ම වැඩි වෙනවා. කිරිබත් කෑවාම නිදිමත එන්නෙ කම්මැලියන්ට. එහෙම නැත්නම් ඇඟ වෙහෙසවලා වැඩ කරන්න බැරි අයට..

අමතක කරන්න එපා,
💪 පෘතුගීසින්ට ආසියාවේ විශාලතම පරාජය හිමි කරල දුන්නු “ මුල්ලේරියාවෙ සටන ( ටිකිරි කුමරු /1 රාජසිංහ), කරපු පලාතේ මානසික රෝහලක් හැදුවා.
👆කැප්පෙටිපොල නිලමේ හිස දන්දුන්නු තැන “ බෝගම්බර හිර ගෙදර“ හැදුවා.
🤯 1848 කැරැල්ල අතිශය අමානුෂීය විදියට මර්දනය කරපු, “ ටොරිංටන්“ නමින් අපේ නිදහස් චතුරස්‍රය නම් කලා..

ඔය වගේ දේවල් සෑහෙන වෙච්ච රටක මිනිස්සු අපි..

ලෝකයේ ප්‍රතිගුරුත්ව ශක්තිය වැඩිම ස්ථානය - ශ්‍රීපාද අඩවිය.
ලෝකයේ තාරකා 5ක ආකර්ෂණයක් තියෙන එකම රට අපේ රට !
බොහෝ දේවල් වලට අදාල බොහෝම ශක්තිය තියෙන, බුදුන්වහන්සේගේ සර්වඥ ධාතුන් වැඩියම වැඩ ඉන්න එනිසාම බ්‍රහ්ම ලෝකයේ සිට සියලු විශ්වයටම වටිනාම රට වෙන්නේ අපේ රට !

රජවරුන්ගේ රට - රජරට සිට..

1යි ඒ මනෝ - ජැක්සන් ඇන්තනී

                                                  මේ රටේ ආදේශන නැති කලාකරුවා !

 “ මහ පොලවෙන් අඩි 2-3ක් උස මේ වේදිකාවට නැගගත් කල ඔතනට නොපෙනෙන බොහෝ දෑ මෙතනට පෙනෙන්නේය “ - මහගිරිදඹ
2 වතාවක් ආචාර්ය උපාධි ගත්ත ආචාර්ය ජයලත් මනෝරත්න.

●  මේක කලා නිර්මාණ පවත්වන්න සුදුසු කාලයක් නෙමෙයි ( 1980 - විවෘත ආර්ථිකය එක්ක බැඳුනු දේ එක්ක - ක්‍රාන්ති කලාප {අබුද්ධස්ස කාලය}), හැබැයි හොඳ කාලයක් එනකම් බලාගෙන ඉන්න එක කලාකරුවන්ගේ සිරිත නොවෙයි. ඒක මැණික් මුදලාලිලාගේ ස්වරූපයයි.
කවර භීෂණයක් - කවර ගැටළුවක් හෝ වේවා කලාකරුවාට නිර්මාණ නිමිත්තක් බවට පත් වන්නේය.

●  පිලිප්පු සිංඤෝ - ඇහැලේපොල නාඩගම

●  “ තල මල පිපිලා “ - තල ගසේ විනාසය

 අසූරියන් මහ පොලව පලාගෙන - වැටුනයි තලගස හෙළ දෙරණේ
සුසුම් නදින් වන බඹරිදු ඇවිදින් - ඒ මල තලලා රොන් ගන්නේ
( රාජාධි රාජසිංහ - ජනශ්‍රැත)

●  රැඩිකල් කියල හිතන ඩෙනිම් කලිසම්, සිගරට් නැති නිසා මනෝගෙ මොඩර්න් ඩ්‍රාමා දැක්කේ “ සිංදු ලස්සනයි“, “ සංගීතය හරි ලස්සනයි“.


●   “ ගුරු තරුව “
මේ රටේ අපවත් වී ගිය සාහිත්‍ය ගුරුවරයා. මේ මහා විලම්බෑසියට හේතුව අපේ සාහිත්‍ය ගුරුවරයා සිරගත කිරීමයි.
1971 කැරැල්ලට පස්‍සෙ, 1972 විෂය මාලා සංවර්ධන මණ්ඩලය, විෂය මාලා අලුත් කරනව කියල, රැකියා උත්පාදනයට කියල විෂයන් 3ක් ඉවත් කලා. රැකියා වියුක්තිය තමයි කැරැල්ලට හේතුව. කලා විෂය පථයේ රැකියා උත්පාදනයෙන් හීන විෂයන් තියෙනවා. වානිජ සහ විද්‍යා විෂයන් කලාම රැකියා උත්පාදනය පුලුවන්.

“ සාහිත්‍යය, ඉතිහාසය, ප්‍රජාචාරය ( සමාජ විද්‍යාව) “

● සමාජ විද්‍යා විෂය 72 තහනම් කරපු නිසා, සමාජ විද්‍යාව ඡන්ද දායකයත්, ඉල්ලන කෙනත් දන්නෙ නෑ. ඒකයි සමාජය කුණු වෙලා ඒ ගඳ එන්නෙ. හඬපට වල එන්නේ ඒ ගඳ.

●  අපි ඉතිහාසය තහනම් කරපු නිසා රටේ මිනිස්සු මාතෘ භූමිය හඳුනන්නේ නෑ.

සාහිත්‍යයත් අයින් කලා.

●  3ම එකතු කරා අච්චාරු විෂය = සමාජ අධ්‍යයනය

●  මොකක්ද සාහිත්‍ය කියන්නෙ, මනෝ සාහිත්‍ය ගුරුවරයාගේ ඛේදවාචකය විප්‍රලම්භ ශෘංගාරයෙන් ගන්නවා.
අපි ඒව අහනවා. විඳිනවා.
අපි හොයන්නෙ නෑ මොකක්ද මේ මනෝ කියල.

සාහිත්‍යය කියල කිව්වේ, කවි හදන්න උගන්වන එක නෙමෙයි.

●  සාහිත්‍යය කියල ඉගැන්නුවේ හැඟීම්.
ආදරය කියන්නෙ මොකක්ද, වෛරය කියන්නෙ මොකක්ද, ශෝකය මොකක්ද, ප්‍රේමය කියන්නෙ මොකක්ද.

●  මේ මහජන සම්බන්ධතා වලට අවශ්‍යම කරන භාවයන්. සමාජීය භාවයන්.
ඇයි මගේ ලග ඉන්න මිනිහා අඬන්නෙ. ඇයි මෙයා හිනා වෙන්නෙ ?
සමාජ සංවේදනා උගන්නපු විෂය තහනම් කරා.

●  ඒකයි වර්තමාන තරුණයින්ට භාව ඉවසීම නැත්තෙ - පොඩ්ඩක් ඇත්තං දිවි නහගන්න හදන්නෙ ඒකයි.

මනෝ, සාහිත්‍ය ගුරුවරයා වෙනුවෙන් මේ සාහිත්‍ය ගුරුවරයාව ගෙදර යවන්න එපා. ඔහු තමයි අපට සිනහව - කඳුල  - හුස්ම දුන්නේ, මේ තමයි මනෝගේ දේශපාලනය.

●  මනෝරත්න තරම් දේශපාලන නාට්‍යකරුවෙක් ලංකාවෙ පහල වෙලත් නෑ. ඔහු ස්වතන්ත්‍ර නාට්‍යයකරුවෙක්. ඒ ස්වතන්ත්‍රය තුල ඔහු නිරූපණය කලේ මේ රටේ අවශ්‍යතාවයයි !

ඉල්ලීම - මනෝරත්නයන් වෙනුවෙන් සමාජය දෙයක් කල යුතුයි !!!

1 -ඔහු කිව්ව දේ අපි අහන් හිටියේ නෑ. ඔහුගේ හඬට රැවටිලා, ඔහුගේ රඟපෑමට රැවටිලා ඒක දිහා බලාගෙන හිටියා.
2 - විචාරකයා මනෝට හම්බ උනේ නෑ. වර්තමානයේ ඉන්නෙ විවේචකයෝ. විචාරකයෝ නෙමෙයි.

මනෝරත්න වෙනුවෙන් රටට දෙයක් කරන්න දෙයක් තියෙනවා !!!

● මනෝරත්න සටන් කලේ මේ රටේ සාහිත්‍යය නැවත ගොඩනගන්නටයි. ගුරු තරුව ඉල්ලා සිටිනවා වහාම 1972දි තහනම් කල සාහිත්‍යය නැවත ස්ථාන ගත කරන්න.
●තව අවුරුදු 20කින් හරි මනෝරත්නලා පහල වෙයි. මනෝරත්න නැවත මේ බිමේ උපදින විට, මනෝරත්නව තේරුම් ගන්න පුුලුවන් බුද්ධිමය රසාඥතාවයක් තියෙන, සාහිත්‍ය දන්න අය මේ පොලවේ ඉන්න ඕන.
අධ්‍යාපනය කියන විෂයට නැවත සාහිත්‍යය එකතු කරන්න. පෙලපොත් වලට විෂය මාලා වලට ආචාර්ය ජයලත් මනෝරත්නයන්ගේ නම ලියන්න. ඔහු වෙනුවෙන් කරන ස්මාරකය ඒකයි.

මස් කෑම සහ බොරුව ගැන මගේ අදහස

● බුද්ධ දේශනාවේ තියෙනවා, ත්‍රිකෝටික පාරිශුද්ධ සීලය...
( තමන් මරන්න බෑ. තමන් කියල මරවන්න බෑ. තමන් උදෙසා මරන්න බෑ).

(මේක පනවන්නට යෙදුනේ, බුදුන්වහන්සේ වතාවක් එක් ගෘහපතියෙකුගේ ගෙදරට සංඝයා සමග වැඩි අවස්ථාවක එම ගෘහපතියා තමන්ගේ එළුවන් රංචුවෙන්, එළුවන් මරා දානය ලබා දුන්නා.
මේක දැනගත්තු තීර්ථකයන් ඇතුළු අන්‍යාගමිකයන් ප්‍රචාරයක් යැව්වා, ශ්‍රමණ ගෞතම ශ්‍රාවකයන් එක්ක එකතු වෙලා එළුවන් මරාගෙන කෑව කියල. ඊටපසුව තමයි මේ ත්‍රිකෝටික පාරිශුද්ධ සීලය ගැන දේශනා කලේ)
තව දෙයක් - එළුවන් මරා දුන්නා කියල දානය ලබාදීමේ කුසලය නැති වෙන්නෙ නෑ. සත්තු මරන අකුසලය වගේම දානය දෙන කුසලයත් ලැබෙනවා. මොකද දානය කියන්නෙ තමන්ට දෙන්න පුලුවන් දේ දන් දීමයි)

● ඒ ආකාරයට නම් මස් කෑමේ ගැටළුවක් නෑ ගිහි අයට.
හැබැයි ලෝකේ තියෙන්නෙ චක්‍රයක්... ගත්තොත් - දෙන්න වෙනව... ඒ ගැනත් සිහියේ තියාගන්න.
වෙන කෙනෙක්ගෙ මස් ගත්තොත්, අපිටත් මස් දෙන්න වෙන්න පුලුවනි..
- මස් විතරක් නෙමෙයි එළවළු - පලතුරු කෑවත් අධික ආශාවෙන් කෙලෙස් ඇති කරගනිමින් කනවා නම් අකුසල් විය හැකියි. වැදගත් වන්නේ ජිවත් වීමට ආහාරයක් කොට ගන්නවා යන අර්ථයෙන් ආහාරයට ගැනීමයි.

● බොරු කියන්නාට නොකල හැකි පාපයක් නැති බවත් බුද්ධ දේශනාවේම තියෙනවා. ඒවගේම අන් අයෙකුට හානියක් නැති, යහපත පිණිස කරන බොරුවක්, සම්‍යක් බොරු ගණයට වැටෙනවා. එනිසා ඒ ගැන තේරුම් ගත යුතුයි. සමහර අවස්ථා වල හිත හදන්නට යම් දේවල් අපිට කරන්න වෙන්න පුලුවනි ( දුටුගැමුණු රජතුමාගේ අවසාන මොහොතේ රුවන්වැලි සෑය සාදා ඇති ලෙස පෙන්වීම)

‍බොරු කියන නෙමෙයි කුමන සමාජයක සිටියත් තමන්ගේ සිත - කය - වචනය තමාට පාලනය කරගත හැකි නම් ගැටළුවක් නැත. හොද කුසල් තියෙන කුසල් වඩන මිනිස්සු ඉන්න පලාතක ඉන්නවා නම් බොහෝම හොදයි. ඒවගේම අබුද්ධෝද්පාද වගේම පවට බර සමාජයක සිටිනවා නම් එතනදි කරන පින උනත් මහා පිනක් නොවෙන්න ඉඩ තිබෙනවා. ඒ ගැන විය යුතුයි බොරු කියන සමාජයක ජිවත් වීම ගැන කියන්නට ඇත්තේ..
ඒ ගැනත් කොහේ හරි පොතක කියවල තියෙනවා මතකයි, අබුද්ධෝද්පාද කාලයක බොහෝ දන් දුන්නත් ලැබුනු විපාකය මහා එකක් නොවීම කියන කාරණාව. එතනදි සිද්ධ වෙන්න ඇත්තේ දහම ගැන වැටහීම නොතිබීම තුල පින ගැන නිවරදි වැටහීමක්, සිත පැහැදීමක් නොවීම වෙන්න ඕන.

අද පරපුර සහ වේගවත් භාවය

අද ළමයි හරි වේගවත්. විශේෂයෙන් අද වයස 25ට අඩු 23 ඉදල වගේ වයස් වල ඉන්න ළමයි ඉදල ඒ හැමෝම වගේ හරිම වේගවත්. වේගවත් වගේම බොහෝවිට එයාල දක්ෂතා වලිනුත් ඊලග පරම්පරාවලට වඩා දියුණුයි බොහෝවිට. ඒක හැම රටකම සාමාන්‍ය දෙයක්.
දැන් තියෙන තාක්ෂණික දේවල් සහ අනිකුත් දියුණු දේවල් එක්ක ඒකට සාපේක්ෂව දරුවන් දියුණුයි කියල කියන්නත් පුලුවන්. ඕක හැමදාම ඔය වගේ තමයි වෙන්න ඇත්තෙ.

අද පොඩි ළමයි සෙල්ලම් කරනවා හොයාගන්න අඩුයි. බොහෝවිට ඉගෙනීමේ දේක හරි, කොම්පියුටර්, ෆෝන්, ටැබ් වගේ දේක ඉන්නවා වෙන්න පුලුවන්. ඒ තුල සෑහෙන දැනුමක් ලැබිය හැකියි ඒක හරි.

●  මේ වේගවත් භාවය එක්ක ළමයි කැමති හැමදේම වේගවත්ව කරන්න. පිටු 250-300ක පොතක් කියනවට වඩා එයාල කැමති ඒක රූපමය විදියට තියෙන සිනමා පටයකින් බලල පැයක් ඇතුලත ඒක උකහා ගන්න. ඒකෙත් වරදක් නෑ.
●  හැබැයි, එක්ස්ප්‍රස් ට්‍රේන් එකක විනාඩි 15ක ගමනයි, ඒකම පයින් හෙමිට පැය 1 හමාරක් වගේ කාලයක් තුල වටපිට බලමින්, ඒ අත්දැකීම් විඳිමින් ඒ සියලු අත්දැකීම් එක්ක කරන ගමනයි 2ක්.
●  පුටුවක වාඩි වෙලා පැය කීපයක් හරි දවසට යම් වෙලාවක් හරි වෙන් කරගෙන හොඳ නවකතාවක් කියෙව්වාම ( ඊ බුක් ක්‍රමයට උනත් කාරි නෑ), ලැබෙන අත්දැකීම, දැනුම සහ ඒ විඳීම වේගවත් වීම තුල නැති වෙනවා..
සිංදුවක් උනත්, විෂුවල් තියෙන සිංදු තමයි දැන් තියෙන්නෙ. ඒ තුල චිත්ත රූප මවාගෙන ඒ සිංදුව රස විඳීමේ හැකියාව ටික ටික මොට වෙන්න ඉඩ වැඩියි.

●  මේ වේගවත් වීම තුල හොද වගේම භාවාත්මක තත්වයට ලොකු හානියක් වෙනව කියල මට හිතෙනව. නියම දක්ෂතා පිලිබිඹු වෙන්න ඉඩ අඩු වෙනව කියල හිතෙනවා.
ඒක තරමක් පැහැදිලි  උනේ මට පහුගිය කාලෙ මුණගැහුනු නිර්මාණශීලි නිර්මාණ කරන අය තුලිනුයි, කොයිතරම දක්ෂයන් හිටියත් නියම විදියට නිර්මාණශීලිත්වය ඇති අය අඩු බවත්, ඉක්මණින් ඒක ඉවර කරන්න විතරක් හිත යොමු කරන බවත් කියවුනා.

●  ඉතින් අද දරුවන්ට, විශේෂයෙන් දරුවන්ගෙ දෙමාපියන් ඇතුළු අයටත්, වේගවත් වීම හොදයි තමයි. නමුත් ඒ වේගය තුල අහිමි වෙන්න පුලුවන් දේවල් බොහෝමයි. ඒ අහිමි වීම තුල පසුකාලීනව වෙන්න පුලුවන් පාඩුත් තියෙනව.
එනිසා පොඩි කාලේ ඉදන් පොතක් කියවන්න හුරු කරා නම්, සතියකට - මාසෙකට වතාවක්වත් හොද වේදිකා නාට්‍යයක්, ටෙලි නාට්‍යයක්, සිනමා පටයක් නරඹන්න හුරු කලා නම්, වේගවත් ගතිය එක්කම මානුෂීය වගේම හොඳ භාවාත්මක හැඟීම් තියෙන දරුවන් ඉන්න ඉඩ වැඩි කියල හිතනව..
දරුවන්ටත් තමන්ගෙ වේගවත් භාවය එක්කම, දවසට කෙසේ වෙතත් සතියකට වතාවක් හරි පොඩි ඇලක් දොලක් ගාවටවත් ගිහින් ස්වභාව ධර්මය විඳිනවා නම්, මාසෙකට 1 පොතක් හරි කියනවා නම්, සෑහෙන වෙනසක් ජිවිතය තුල ඇති කරගන්න පුලුවන් වේවි කියල හිතනව..


#යථාර්ථවාදිජනතාවාදියා 

ගොනා හැරෙන්නෙ පොල් පැලය කන්නද ?

_ අපරාධ පරීක්ෂණ දෙපාර්තමේන්තුවට ( CID) කීපවතාවක් ගිහින් තියෙනවා _

ඒකෙ අධ්‍යක්ෂකව හිටිය ඊටපසුව එහිම නියෝජ්‍ය පොලිස්පතිවරයා වෙච්ච නාගමුල්ල මහතා ( පසුව ත්‍රිකුණාලමය භාර නියෝජ්‍ය පොලිස්පති), රටම අද කතාවෙන ලංකාවෙ ෂර්ලොක් හෝම්ස් කියන ජ්‍යෙෂ්ඨ පොලිස් අධිකාරි ශානි අබේසේකර මහතා වගේම පරිගණක සම්බන්ධ අපරාධ අංශය භාරව හිටිය දර්ශිකා මහත්මිය කියන අයව මුණගැහිලා කතා කරල තියෙනවා.

● මට තේරුනු දේ තමයි ඒ නිලධාරින් ඉතාම ස්වාධීන අය බව. ඒවගේම නීතියේ හැටියටත් ඔවුන්ට බලපෑම් කරන්න කාටවත් බෑ.
එයින් ශානි අබේස්කර තීක්ෂණ බුද්ධියක් තියෙන, තම ස්ථාවරයේ දැඩිව ඉන්න කෙනෙක් විදියටයි මට තේරුනේ.
වතාවක් අප දන්නා කැබිනට් ඇමතිවරයෙක්ට මඩක් සමාජ මාධ්‍ය ජාලා වල ප්‍රසිද්ධ උනාම ඒ වෙනුවෙන් කරන ලද පැමිණිල්ලකට අදාලව එවකට ලේකම්වරයෙක් විසින් එතන ගිහින් උස් හඬින් කතා කිරීම පවා නොකල යුතු දෙයක් හැටියට ප්‍රකාශ උනා මතකයි.

එහෙම නිලධාරින්ට බලපෑම් කරන්න පුලුවන් සහ ඊට වඩා ඔවුන් ලවා ඔය වගේ කතා කරවගන්න පුලුවන් කියන කාරණාව විශ්වාසයෙන් තොරයි.

- රංජන් රාමනායක එවන්නක් කරා නම් ඔහුගේම ෆෝන් එකේ ඒවා රෙකොඩ් කරගෙන හිටියෙ ඇයි ?
- පොලිසියට ගෙනිච්ච දුරකථනයේ රෙකෝඩින් පොලිසියට සම්බන්ධ නැති වෙනත් විවිධාකාර පුද්ගලයන් සහ මාධ්‍ය විසින් එලියට ලබාදීම ?
( එස්බීගේ ඇමතුම රංගෙ බණ්ඩාර විසින් පටිගත කලේ ඔහුට කරන ලද ඇරයුමකට අදාලව - මේකයි ඒවයි සමාන නැත)

● මේ සියල්ල තුලින් අධිකරණය ගැන වැරදි චිත්‍රයක් ජනතාවට මවා, අධිකරණයෙන් දඬුවම් ලබන දුමින්ද සිල්වා වැනි පුද්ගලයන්ව නිදහස් කරගන්නට සහ එහිදී මතුවන ජනතා විරෝධය එසේ නොවන්නට කරන කටයුත්තක්ද මෙය ?

#යථාර්ථවාදිජනතාවාදි #tshjan2020