ඇය දුන් ෆලූඩාව...

මා බිව් ෆලූඩාවේ නොතිබුනු රසයක්...
නුඹ මට දුන් ෆලූඩාවේ තිබුනේ මන්ද..
සිතුවෙමි තරමක් ගැඹුරටම...

නුඹේ දෙතොලේ පහස විඳගෙන..😘
ඛේඨයේ රසයද සහිතව...😋
වෙනස් - මනා රසයක් ලැබෙන්නට ඇති..
නුඹට පින් ..  😇
කොච්චර බිව්වත් ෆලූඩාවන්...
ඒ රසය ලැබෙන්නෙ නැහැ නොවැ 🤪...

😁✅😌🤗😉

කපටි - ලග තියෙන වාසි වලට තීරණ ගනී...
බුද්ධිමත් - දුර දිග බලා තීරණ ගනී, දැන් විතරක් නෙමෙයි, කාලෙකට පස්සෙත් යහපතක් වෙන තීරණ ගනී..

Cunning - Take decisions for the benefits in near future..
Smart - Take decisions for benefits of the future and which are last long time..

අතිබහුතරය ජිවිතේ වැඩ කරගන්නෙ මේ ජිවිතේ දියුණුවට විතරයි. ඒක වරදක් කියන්න බැරි ඒ තරමටම පීඩනයක් ඇත්තටම තියෙන නිසා. පින් කිරීම හරි වැදගත් බව ඇත්ත. ඒත් ඒ පින කවදහරි ඉවර වෙන බව ගොඩක් අයගේ හිතේ නෑ. සංසාරේ කරපු පින් නිසා තමයි අද බත් ඇටයක් හරි කන්න ලැබෙන්නෙ. ඒවත් කවදහරි ඉවර වෙනව..
මනුෂ්‍ය ආත්මයක් ලැබෙන දුර්ලභ බව දන්නව නම් ..

පින - කුසලය අමුතුවෙන් කරන්න ඕන දේවල් නෙමෙයි. හිතින් හිතුවත් පින් ලැබෙනවා. හරියට සිහියෙන් හොඳ හැඟීමකින් කිරීමයි වැදගත්. කාලය එක්ක ඒ පින් පවා අනිත්‍යයයි කියල තේරෙන දවසක... නිවනටත් ගමන හදාගන්න පුලුවනි හ්ම්...

Don't wait

Peter Dinklage (Tyrion Lannister from HBO's Game of Thrones) delivers the 2012 commencement address in Bennington College. Here are the key highlights of his message.
Raise the rest of your life to meet you >>>> Don't search for defining moments.. The moments has define you has already happened.. They will already happen again.
You just get a bit derailed...
But soon something starts to happen. A rhythm sets in ... Don't wait until they tell you that you are ready... The world might say you are not allowed yet.. Don't even bother asking... Don't bother world that you are ready.. Show it >>> Do it >>> Ever tried... ever failed... no matter.... Try again... Fail again.... > Fail Better... The world is yours... Treat everyone kindly.. and light up the night...

Not clever one goes to Hell even do good Karma ( Without Seelaya )
Clever one goes to Heaven by doing good Karma ( With Seelaya )
Wise one do good Karma and sees it in Vidarshana and make path for Nibbana..

අදක්ෂකම - පින් කරත් දුගතිගාමි වේ ( සීලය දුර්වල කරගෙන ).
දක්ෂකම - පින් කරගෙන සුගතිගාමි වේ ( සීලය රැකගෙන ).
සැබෑ දක්ෂකම - පින් කරගෙන විදර්ශනාවෙන් දැක නිවන් ගමන සකසා ගනී..

-

#Karma #Wise #clever #GoodKarma #badKarma #Hell #Heaven #Nibbana 

දැනුනු සිංදුවක්.. ලගදි මුණගැහෙන ටිකක් ආඩම්බර ඒත් කැමති කෙල්ලෙක් ගැන...

කුමාරියක් වගේ ඔබට රුව දීලා ඇත...
සිනා බිඳක් මට දෙන්නට සිත දීලා නැත ...//
ඔබ සිනාසෙන්න නෑ දන්නේ...
පියාඹන්න සැරසෙන්නේ... අහංකාර බැල්ම කොහින්දෝ...

ඇල ඉවුරේ... ගුරු පාරේ.. වැට අයිනේ.. අඩිපාරේ..
මා දැකලා හැම වාරේ...
ආ හා ඇයි රවන්නෙ මා දිහාද...
පෙම් කරන්න අප එපාද දැන්...

ඈත තියා දුටු වේලේ... අහක බලා...
යන කාලේ.. තාම දුරයි.. මගේ කාලේ..
ආ හා තරහ ගන්නෙ පව් නොවේද..
ඇයි රවන්නෙ අප එපාද දැන්...


___

#කුමාරියක්වගේඔබට #ක්ලැරන්ස් #Clarence #clarenceunpluggedwithmarians #ClarenceWijewardane

“ තියුණු අසිපතක සෙවණ යට “ - තමලිණී ජෙයක්කුමාරන්

එල්ටිටීඊ සංවිධානයේ කාන්තා දේශපාලන අංශයේ හිටපු නායිකා තමලිනි විසින් කොටි සංවිධානය හා ඒ බැදුනු කරුණු කාරණා විවරණය කර ලියන ලද්දකි. ඇය පිළිකා රෝගයෙන් අවාසනාවන්ත ලෙස මරණයට පත් වන අතර මේ පොතේ ආදායමෙන් කොටසක් පිළිකා රෝහලට පරිත්‍යාග කරන්නටද ඇය කටයුතු කලාය.

-
යුද්ධයක් කියන්නෙ හැම අතින්ම විනාශයක්, කියන්න බැරි තරම් පීඩන, දුක සංතාපය දෙන දෙයක් බව මේ පොතෙන්ද පැහැදිලි විය. යුද්ධයේ ජිවමාන අත්දැකීම් ලබන්නට යුධ බිමට ගොස් නැතත්, යුද්ධය කල බොහෝ අය සමග බොහෝ දෑ කතා කර ඇති නිසාද, ඍජුවම සම්බන්ධ වූ දේශපාලන නායකයින් හමුදා නායකයින් සියල්ලගේම අදහස්ද අනුව යුද්ධය සැබවින්ම තේරුමකට නැති කරුණකි.
යුද්ධය නැති මේ කාලයේ යුද්ධය ගැන නන් දොඩවන වීරයෝ බොහෝමයක් යුධ සමයේ රටේවත් සිට නැත. ඒ තරමටම බයගුළු අයයි.

කවදා කොහොමට කෙරුනත් යුද්ධ අනවශ්‍ය දේවල්ය. නැවත මේ පොලවේ වර්ගවාදි හෝ කිසිම ආකාරයක යුද්ධයක් ඇති නොවීමට කටයුතු කල යුතුමය.

වැරදියට හිතාගෙන හිටිය - හරියට සිතිය යුතු දේවල්..

අපි ගොඩක් වෙලාවට දවසම අපේ ස්මාට් ෆෝන් එක පාවිච්චි කරනවා. ගෙදර එනකොට රෑ වෙනවා. ඉතින් අපි ඒත් තව වැඩ ඒකෙන් කරලා නිදාගන්න ගියාම තමයි ෆෝන් එක චාර්ජ් කරන්න කටයුතු කරන්නෙ. නමුත් ඇත්තටම පැය 2කට අඩු කාලෙකින් ෆෝන් එක ෆුල් චාර්ජ් වෙනවනේ. එතකොට පැය 6ක් විතර ෆෝන් එක චාර්ජ් එකේ තියෙනවා. මේක බැටරියට හොද නැහැ. ඕනවට වඩා චාර්ජ් උනාම. ඕක තමයි අදහස නේද ?
ඇත්තටම අද කාලෙ තියෙන ස්මාට් ෆෝන් වල ඔය ගැටළුව නැහැ. 100%ට චාර්ජ් උනාට පස්සෙ දිගට චාර්ජ් වෙන්නෙ නැහැ. ඒනිසා බැටරියට අහිතකරයි කියල හිතන වැරදි අදහසින් මිදෙන්න. ෆෝන් බැටරි එකෙත් තියෙන්නෙ ලේයර් සිස්ටම් එකක්. ලේයර් 1කින් 1 තමයි චාර්ජ් වෙන්නෙ. ඉතින් ඒකට අනුව, 20%ට අඩු උනාම බැටරිය චාර්ජ් කරන්න. 80%ට වැඩි උනාම චාර්ජ් එකෙන් අයින් කරන්න. ඒක පුලුවන් වෙලාවට කරන්න. ඒක තමයි හොදම විදිය.

ගවයන් රතු පාටට අකමැති නිසා අනිනවද ?
හදිසියේ රතුපාට ඇදුමක් ඇදගෙන හරකෙක් ගාවින් යන්න උනොත් ඔයා තරමක නොසන්සුන්ව යාවි කියල හිතනවා. ලේ පාටට හරක් කැමති නෑ කියල කියනවනේ. නමුත් ඇත්තටම එහෙම එකක් නෑ. හරකෙක් පහර දෙන්නෙ තමන් ඉස්සර දක්වන චලනයන්ට අනුවයි. පාටට එහෙම අමුතු අකමැත්තක් හෝ විරෝධයක් නැහැ. 

චොක්ලට් වර්ග ශරීරයට අහිතකරයි. 
චොක්ලට් වර්ග වල සීනි සහ පිටි නිසා තරමක් ශරීරයට අහිතකරයි වැඩියෙන් කෑවම. නමුත් පර්යේෂණ වලින් හොයාගෙන තියෙනවා චොක්ලට් ආදරය සම්බන්ධ හැගීම් ඇති කරන්නත් හේතු වෙනව කියල. ඇත්තටම ඩාර්ක් චොකලට් කියන ඒව ඒ තරම අගුණ නැහැ. ඒව ශරීයරට හිතකරයි.

වැස්සෙ තෙමුනොත් හෙම්බිරිස්සාව හැදිල ලෙඩ වෙනවා.
වැස්සෙ තෙමුනාම හෙම්බිරිස්සාව හැදිල ලෙඩ වෙනව නම් වීදි වල ඉන්න වීදි දරුවො කොයිතරම ලෙඩ වෙන්න ඕනද ? ඇත්තටම එයාල ලෙඩ වෙනවද ? එහෙම නොවෙන්නෙ එයාල ඒ තත්ව වලට හුරු වෙච්ච නිසයි. ඒවගේම එයාලගේ ප්‍රතිශක්තිය දියුණු නිසයි. අනිත් අයටත් එහෙම වෙන්න නම් ස්වභාවධර්මයට අනුව ජිවත් වෙන්න ඕන.

කොල්ලො ආදරය ගණන් ගන්නෙ නැහැ.
මේකත් ඇත්තටම ඇත්ත නෙමෙයි. ගැහැණු ළමයි තරමටම සංවේදී නොවුනත් පිරිමි ළමයිත් ආදරේදි වේදනා විදිනවා. නිකමට හිතන්න ගෙදර අම්මයි තාත්තයි ගැන. අම්මා හැම කරදරයම හිතේ තියාගෙන කියනවා, ඒ වෙනුවෙන් වැඩ කරනවා. ඒත් තාත්ත කරන්නෙ නිහඩව. හැමදේම වගේ හිතේ දරාගෙන. සමීක්ෂණ වලින් හොයාගෙන තියෙනවා සමහර වෙලාවට ගෑණු ළමයටත් වඩා ප්‍රේමය නැති උනොත් පිරිමි ළමය දුක් වෙන බව. ඇත්තටම මුල් දවස් 2-3 එයාල ඒක පිටට නොපෙන්නුවත් ඊටපස්සෙ එයාල ඒ ගැන බොහෝම ඇතුලතින් වගේම පිටතිනුත් පේන්න විදවනව. ගෑණු ළමයි මුල් දවස් කීපය දුක් වෙලා සමහරවිට ඊටපස්සෙ හොදින් ඉන්නව.

ප්‍රේමයේ පරාජය සහ ප්‍රේමයෙන් තේරුම් ගත යුතු දේ ගැන රත්න ශ්‍රී විජේසිංහයන් කල කතාවකින්...,

ප්‍රේමය ප්‍රතික්ෂේප හෝ පරාජය උනාම... මොනවද කරන්නෙ ?
සමහරු නම් පලි ගන්නවා. එක එක ආකාරයට. මරල දාපු සිද්ධි පවා අපි ඕන තරම් දන්නවා.
අපේ අර්ථ ක්‍රමයම පරාජිතයන් බිහි කරනවා.
ප්‍රේමයේ පරාජය ගැන පුලුවන් විදියට කවියක් ලියන්න. කෙටි කතාවක්, නව කතාවක්, නාට්‍යයක්, චිත්‍රයක් අදින්න. එහෙම නිර්මාණයක් කරගන්නම බැරි නම් ලියවිච්ච නිර්මාණයක් තමන්ට සමීකරණය කරගන්න. ඒකට සිග්මන් ෆ්‍රොයිඩ් කිව්වෙ සබ්ලිමේෂන්/ උත්කර්ෂණය.

මිනිසුන්ගේ තියෙන අයහපත් භාවයන්, කෝපය - ක්‍රෝධය - කාමය - රතිය වගේ භාවයන් පිට කරන්න පුලුවන් ක්‍රම 2ක් තියෙනවා, හානියක් නැතිව. එකක් ක්‍රීඩාව, අනික සාහිත්‍ය කලාව. හොඳ කලා නිර්මාණයකින් යහපතක් විතරයි පුලුවන්.
අපිට කවි ලියන්න බෑ. වෙලාවකුත් නෑ. චිත්‍ර අදින්නත්, සංගීතයත් බෑ. හැබැයි නාන කාමරේ දොර වහගත්තාම බැරි මරගාතෙ හරි කියනවා. කවුරුවත් තහනම් කරන්නෙ නෑනේ. ඒ අත්දැකීම් සිහි කරනය කරගෙන ඒවා පිට කරන්න. කලාව තියෙන්නෙ ඒකට තමයි.

ජාතක කතා පොතේ එන හොදම පෙම්වතා, “ කුස ජාතකයේ කුජ රජතුමා “. කුස කියන්නෙ කඩවසම් කෙනෙක් නෙමෙයි. වැඩි ලකයක් නෑ. හැබැයි කුස හොද පෙම්වතෙක්.
පලවෙනි කාරණය කුස කවදාවත් පොලු තියන්නෙ නෑ. අනන්ත අප්‍රමාණ කැප කිරීම් කරනවා. කුඹල් කර්මාන්තය කරනවා, ඇත් ගාලේ ඉන්නවා. පොකුණේ හැංගිලා ඉන්නවා. මුළුතැන් ගෙට වෙලා ආහාර පිලියෙල කරනවා. වසුන් කද උස්සගෙන යනවා. මේ කවුරුවත් නෙමෙයි අධිරාජ්‍යයෙක්.
මේ හැමදේම කලත් පබාවතී ඔහුව දාලා යනවා, ප්‍රතික්ෂේප කරලා අපහාසත් කරලා සාගල නුවරට යනවා.

කව්සිළුමිණේ හැටියට, මේ යක්කු මා හිමි = මේ යකාලු මගේ ස්වාමියා.

කුස කියන්නෙ සාමාන්‍ය කෙනෙක් නෙමෙයි. අධිරාජ්‍යයෙක්. මුළු දඹදිවම අධිරාජ්‍යයා. ඔහුට උවමනා උනා නම් තිබුනා චතුරංගනී සේනාව කැදවලා සාගල නුවර වගේ පොඩි රටක් අල්ලන්න තිබුනා. පබාවතීව අල්ලන්න තිබ්බා.
නමුත් එහෙම නොකල කුස කියපු දේ කව්සිළුමිණේ හැටියට,

කෙසේ දනිතිද දැන් සරතැස ඔහු තමාගේ
- පබාවතිය මගේ දුක කොහොම දැනගන්නද ? තමන්ගෙ දුකවත් නොදැන. එයා එයාටම දුක් දෙන කෙනෙක්.

එයා තමන්ගෙ පුන් පියවුරු උස්සාගෙන සිහින් ඉගට දුක් දෙනවා, විසල් පුළුලුකල උස්සාගෙන දෙපා වලට දුක් දෙනවා. එහෙම දුක් විදින ඇය කොහොමද මගේ දුක දන්නෙ ?
එහෙම කියල හිත හදාගන්නවා. ඒක තමයි නියම ප්‍රේමය.

පරපීඩක ප්‍රේමය නෙමෙයි... නියම ප්‍රේමය...

ජිවිතය ඉදිරියට

ඇය ගැන තියෙන මතකයන් ටිකෙන් ටික බොඳ වෙද්දි ජිවිතය ටිකින් ටික ඉදිරියට යනවා. වෙලාවකට ලොකු සැනසීමක් දැනෙනවා. දිනුෂ් අයිය කාලෙකට කලින් කියල දුන්න වගේ, “ වෙලා ඉවර වෙච්ච දේකට  මොන දේ කලත් අපිට වෙනස් කරන්න බැහැ“ වගේ කියල තේරෙනකොට මගේ හිත ටිකෙන් ටික හැදෙනවද   කොහෙද..




අනුරාධපුරය ඊට එහා තඹුත්තේගම වගේම මැදවච්චිය පැත්තෙත් දවසක් 2ක් ඉක්මනට ඇවිදින්න උනා. 12 වෙනිදා ජිම් එකේ චරිදුගේ උපන් දිනේ නිසා ඉක්මණට එන්න ආවා. කොහොම උනත් සතුටට වඩා සැනසීමකින් තරමක උද්යෝගයක් තිබිච්ච දවස් ගානක්. අද පන්සල් ගිහිල්ලා එන ගමන් මල් කැඩුවා. වාහනේකින් බැහල ආව බැලුවාම දැකල පුරුදු ගතියක් තිබ්බා. ගෙදරකට ආවෙ, හෝටලේක වාහනයක් වෙන්න ඕන. බැලින්නම් පබිලිස් සිල්වා කියන සූපවේදි මහත්තය. මං දිහා බැලුවාම මම හිනා උනා. ඒපාර ඇහුව මොනවද කරන්නෙ කියල. මම කිව්වා මල් කඩනව කියල. ඔහු කිව්වා මල් කඩනව කිව්වොත් වැරදියට හිතයි මල් නෙලනව කියන්න කියල. මම ඒපාර කල්පනා කරා ඔව්, “plucking" කියන්නෙ නෙලනවා තමයි කියල කිව්වා. මම කිව්වා ඒත් නෙලනව නම් “ඕළු - නෙළුම්“ වෙන්න ඕන. මේව කඩනව තමයි මේ කියල. හිනා වෙලා ඔහු ඒ ගෙදරට ගියා. සතුටුයි ඇත්තට දැක්කට ඉතින් හ්ම්..



ඩෙංගු රෝගය ගැන නොපෙනන පැත්තෙන් පර්යේෂණ කරද්දි තේරුනු දෙයක් තමයි දේව දෝෂයකට වෙන දෙයක් කියල. ලංකාවෙ ඩෙංගු වලින් මැරුණු අතිබහුතරය මැරුණේ විද්‍යාත්මකව දැනගත්තාම නම් “ප්‍රතිශක්තිකරණය“ දුර්වල නිසා. ඩෙංගු හැදුනාම යම් දවස් ගානක් අනිවාර්ය ඒක ඇඟේ තියෙනවා. අනිත් කාරණය අනිවාර්ය විවේකය අත්‍යාවශ්‍යයි. කාලය එක්ක හොද වෙන්නෙ. නමුත් මේ දේව දෝෂයේ අදාල බලවේග ගැන දැනුමකින් තේරුමකින් වැඩ කරනව නම්, කලා නම් ඉක්මනට හොද වෙන්න තිබ්බා. වැඩේ තියෙන්නෙ ඉතින් ඕක හැමෝටම කියන්න බැරි එක. ඒකට අදාල අකුසල දෝෂය හොයල කටයුතු කල යුතුයි.

භූත අය එලවන වැඩේ තමයි ගොඩක් යකැදුරු අය කරන්නෙ. නමුත් එයාලත් දන්නෙ බොහෝම සීමාවයි. එයාල ගොඩක් දන්නෙ අත්දැකීම තරමකටත්, පොතපත සහ පරම්පරාවෙ දැනුම. එලවල භූත - ප්‍රේත - අසුර වගේ ආත්ම යවන්න බෑ. එයාල වෙලාව එනකම් බලාගෙන ඉන්නවා. බෝතල් වල දාලා හිර කිරීම තුලින් ඒ ආත්ම මරන්න බැහැ. නමුත් ද්වේෂය වැඩි කරන්න පුලුවනි. කවදමහරි දවසක ඒකෙන් ආවාම ඒක කරපු කෙනත්, කරවපු කෙනත් 2 ගැනම පුදුම ද්වේෂයකින් ඉන්නවා. යන්ත්‍ර දාලා අයින් කරත්, ගෙදරට ආරක්ෂාව දාලා අයින් කලත් ඒව හැමදේම තාවකාලික ප්‍රතිකර්ම විතරයි. ඇත්තටම ඒවයින් වෙන්නෙ අකුසලය වැඩි වෙන එකයි. හොදම දේ පුලුවන් තරම මෛත්‍රි සහගතව ඒ අය ගැන හිතලා පිනක් කරලා එයාලට වගේම සියලු දෙවියන්ට, සියලු සත්වයන්ට, සියලු ඥාතින්ට අනුමෝදන් කරන එකයි.
සරලව හිතන්න, බල්ලෙක් ගස් බැන්දත්, ඒ කියන්නෙ ඒවගේ සත්තු කූඩු කලත් ඒ සතුන්ගේ සාපය ලැබෙනවා. ඒනිසයි බල්ලන්ව නිදහසේ තියන්නෙ ඒ අදහස නොඑන්නට. හොයාගෙන යද්දි බල්ලො වෙලා ඉන්න ගොඩක් අය අපේ පෙර ඥාතින්. බල්ලො ගොඩක් ඉද්දි තෝරල හොයාගෙන ගන්නව කියන්නෙ ඥාති නිසයි. 

“ ආදර්ශයෙන්ම ගුරුවරයෙක් බව පෙන්වූ ගුරු + උතුමා “

ලෝකයේම කතාබහට ලක්වුනු තායිලන්ත ගල්ගුහාවක ගුරුවරයෙක් සහ ළමයින් 12ක් හිරවී දවස් 9ක් හිටපු කතාවේ මූලික කතා නායකයා වෙන්නෙ මේ ගුරුවරයායි.
ඔහු අවුරුදු 25ක තරුණයෙක්. ඇත්තටම එයාල ගුහාව පරික්ෂා කරන්න ගියාට දවස් ගණනාවකට කෑම - වතුර ගෙනිහින් තිබ්බෙ නැහැ. නමුත් මේ විශිෂ්ට ගුරුවරයා දරුවො 12 අතර ඒ කෑම බොහෝම පරිස්සමට නිවරදිව බෙදල දීලා තියෙනවා දවස් 9 පුරාවටම. අඳුරින් පිරුණු ගුහාවක, හරියට හුස්ම ගන්නත් අමාරු තැනක, දවස් 9ක් පුරාවට ඉවසීමෙන් ඉන්න එක කොයිතරම දෙයක්ද අපහසු දෙයක්ද කියල හිතෙනව නේද ?

මේ ගුරුවරයා කාලයක් තාවකාලිකව පැවිදි වෙලා හිටිය කෙනෙක්. තායිලන්තය තාවකාලික පැවිද්ද තියෙන රටක්.
ඉතින් ඒ ආභාෂයත් එක්ක බෞද්ධ භාවනා ක්‍රම මනාව ප්‍රගුණ කරල හිටිය ගුරුතුමා තමන්ගෙ දරුවන්ටත්, ඒ භාවනා ක්‍රම කියල දීලා ජිවිතය පවත්වාගෙන යාමේ වැදගත්කම පැහැදිලිව තේරුම් කරල දීලා තිබුනා. දවස් 9ක් කියන්නෙ ලොකු කාලයක්. හිතන්න සතියකටත් වඩා වැඩියි.

ඉතින් ඒ මුළු කාලය පුරාවටම ඔහු තමන්ගෙ  සිසුන් සියලුදෙනාව රැක බලාගත්තා. ආරක්ෂා කලා. සහන කණ්ඩායම් ඇවිල්ලා ඔක්සිජන් - ජලය - කෑම දෙනකොට පවා දරුවන් සියලුදෙනාට දෙනකම් ඔහු ඒව මොනවත් ගත්තෙ නෑ. ඒවගේම ගුහාවෙන් එලියට යන්නෙත් තමන්ගෙ සිසුන් සියල්ලම ආරක්ෂාකාරිව එලියට ගියාට පස්සෙයි. වචනයෙන් පමණක් නොවෙයි ක්‍රියාවෙනුත් නියම ගුරුවරයෙක් බව පෙන්නපු වටිනා කෙනෙක්.

Gym සහ බැඳුනු කතා

ජිම් යනව කියන එක අද කාලෙ ඒතරම අමුතු දෙයක් නෙමෙයි. ලංකාවෙ ජිම් කියන ෆීල්ඩ් එකත් හැදීගෙන එන කාලෙ හොදට. ජිම් වලට යන්න වෙන්නෙ විශේෂයෙන් කොළඹ වගේ නගර වල ජිවත් වෙනකොට මහන්සි වෙලා ඇග පිලිවෙලට තියාගෙන ඉන්න බැරි නිසයි.
ගාල්ලෙ ඉන්න කාලෙ අපි සෙල්ලම් කරනවා. ක්‍රිකට් ගහනවා. හැමදාම වගේ උදේට ගාලු කොටුව වටේ ඇවිදිනවා. එතකොට දවසකට කිලෝමීටර් 5-8ක් විතර දවසකට ඒකෙන් ලැබෙනවා.

නමුත් කොළඹ ආවම, යාළුවො අඩුයි. ඇවිදින්න තැන් තිබුනත් ගාල්ලෙ වගේ දැනුනෙත් නෑ, ලස්සනත් නෑ. කොහොම උනත් මම ජිම් යන්නෙ කොළඹ ඇවිල්ලත් සෑහෙන කාලෙකින්. හිතුව තරම් හොදින් නොකලත් යම් දියුණුවක් තියෙනවා. ජිම් කියන එක මගේ ඇඟේ හරියට තියෙන දෙයක් නෙමෙයි. එහෙම උනා නම් මම මීට වඩා දියුණු වෙන්න ඕන.

විඩියෝවෙ මම කරන දේ නම් ඒ තරම අදාල නෑ. බොහොම සරලව කරන්න තියෙන දෙයක්. ඒත් අපෙ නංගි අද ලෙග් එක්ස්ටෙන්ඩඩ් ප්‍රෙස් එක කිලෝ 204ක් කලා. ඒක සෑහෙන දෙයක්. අනිත් කාරණය එයා ප්‍රී වර්ක් අවුට් කියන ජාතිවත් මොකුත් එනර්ජි ඩ්‍රින්ක් ජාති ගන්නෙ නෑ. ඒවගේ ශක්ති ජනක දේවල් ගත්ත නම් කරන එක තරමක් ලේසි වෙනවා. ඒව මොකුත් නැතිව කරන එක හරි වටින දෙයක් මම හිතන හැටියට.

අද සමහර ජිම් වලට පටන්ගන්න තැනම කියනවා සප්ලිමන්ට් ගන්න කියල. ඉතින් පටන් ගත්ත තැන ඉදලම ඇග හදාගන්නත් සප්ලිමන්ට් ගන්නවා. එතකොට ඇග පිම්බිලාත් එනවා. ඒත් අවුරුදු ගානකට පස්සෙ ඕවයේ අතුරු ඵල එක එක විදියට ලැබෙන බවත් කියනවා. ඒනිසා වඩා හොද පුලුවන් තරම් ස්වභාවික විදියට කරන්න බලන එකයි. 

දිව්‍ය ලෝකයේ සහ අපායේ වෙනස ( මේක කතාවක් විතරයි)

 බිස්නස් ට්‍රේනිං එකකදි අහපු කතාවක් මේක

ගොඩක් පින් කරපු කෙනෙක් මැරිලා, දිව්‍ය ලෝකෙ යනවා, යන්නෙ අපාය හරහා. ඉතින් අපාය ගාවින් යද්දි බෙල් එකක සද්දෙ නිසා කෙට්ටු, කනාටු වෙච්ච ගොඩක් අය ඒ දිහාවට ඇදෙන නිසා නිකමට යද්දි ඒක තමයි කෑම වෙලාව. ඉතින් කෑම මොනවද කියල බලාගන්නත් එක්ක යද්දි, හොඳටම සුවඳක් දැනෙනවා. කෑම තියෙන තැනට ආවාම ලොකු ඉඩක හැම රසවත් කෑම ජාතියම තියෙනව. හිතාගන්න බෑ ඇයි මේ ඉන්න අය කෙට්ටු කියල. කෑම ගන්න තියෙන්නෙ අඩි 10ක් විතර දිග හැන්දක්... ඉතින් හැන්දට ගන්න කෑම ටික කටට ගන්නේ අඩුවෙන්.....

මෙතනින් කන්න බෑ කියල හිතල ඉතින් යනවා, දිව්‍ය ලෝකෙට එහෙත් කෑම වෙලාව. හොඳ ලස්සන පෘෂ්ටිමත් දෙවිවරු යනවා පේන නිසා ඇතුලට යනව. ගියාම කලින් වගේම හොඳ සුවඳ කෑම තියෙනව. අර වගේමයි හැම කෑමම තියෙනවා, අර වගේම දිග හැඳි තියෙන්නෙ කන්න. කලින් වැඩේම වේවි කියල හිතද්දි මතක් වෙනවා දෙවිවරු හොඳට ඉන්න අයනේ කියල, එතකොට දකින්නෙ අර දිග හැන්දකට තමන් කැමතිම කෑම ජාතිය අරගෙන, හැන්දෙ දුරින් ඉන්න අනිත් දෙවියට කවනව. අනිත් දෙවියත් ඒකම කරනවා... ඉතින් සතුටින් ඉන්නවා...

එකමුතුකම, සබැඳියාව ගැන කතාවක්... හ්ම්...

ජීවිතේ...

මම මේ හිතුවෙ හදිසියේම මාස 3කට කලින් මුණගැහිලා හරියට මාස 1 හමාරක් තියාගන්න බැරි වෙච්ච මගෙ ආදර කතාව ගැන. සංසාරගත බැදීම හරි මොක හරි මම ඒ තරම ඒ වෙනුවෙන් හිතන්නෙ මොකද කියල වෙලාවකට මටත් තේරෙන්නෙ නැහැ.

කොහොම උනත් ජිවිතයේ දේවල් එක්ක හිතද්දි මේව ලොකු උනාට, සංසාරයේ දේවල් එක්ක හිතද්දි බොහොම සාමාන්‍ය දේවල්. සංසාරයේ කරපු දේවල් නිසා අද මේ ප්‍රතිඵල ලැබෙනවා වෙන්න පුලුවනි. ඒ කාලෙ අකුසල් කරද්දි ටිකක්වත් තේරුම් ගත්ත නම් විපාක ලැබෙන්න පුලුවන් කියල. 3 වතාවක් බේරෙන්නත් පුලුවන් නිසා පාඩුවෙ කරගෙන ඉන්නැති. අධික මමත්වය එක්ක තියෙන උද්ධච්ඡකමත්, බලයත් ඒ තුල කල හැකි දේත් බොහෝම නිසා ලේසි නැහැ.

එක අදහසක දැක්කා,  “ අද ශාන්තුවරයා ඊයෙ යක්ෂයෙකි “ කියල. ඒක ඇත්ත කියල හිතෙන්නෙ මේ ජිවිතයේ අසරණ වෙලා හෝ නැතිව බොහෝම අහිංසකව ජිවත් වෙන සෑහෙන පිරිසක් කලින් ජිවිත වල කරගත්ත දේවල් නිසා අසරණ වෙලා ඉන්න බව දැක්කාමයි. අනික එයාලට සම්බන්ධව ඉන්න යක්ෂ - භූත - ප්‍රේත - පිසාච - බහිරව - අසුර වගේ කොටස් වලට මොලේ නෑ. හරිම අහංකාරයි. ඒනිසාම ලේසියට ගැලවෙන්න ලැබෙන්නෙ නැහැ.
ඉතින් යම් චරිතයක්, අපි කොයිතරම ආදරේ උනත්, කොයිතරම තදින් අල්ලගෙන හිටියත්, වැරදි අය එක්ක එකතු වීම තුලම පෙර අකුසල් විපාක එක්කම, උන්මත්තක වෙන්න වගේම අපාගාමි වෙන්නත් සිදු උනොත් අපිට කොයිතරම උවමනා උනත් කරන්න දෙයක් නෑ.

ඉහලම බ්‍රහ්ම ලෝකයේ ඉදන් පහලම අවිචිය දක්වා තියෙනවා නඩු අහන තැනක්. එතනදී කර්ම ශක්තියට අදාලව විපාක ලැබීම් ගැන සාකච්ඡා කරනවා. කොයිතරම පින් ඇති කෙනෙක්ට උනත් අකුසල විපාකයක් ලැබෙන්න තියෙනව නම්, ඒකියන්නෙ පෙර කල අකුසලයක් තියෙනව නම් ඒක කිව්වාම ඒ ගැන සලකා බලනව. ඒ කියන්නෙ පින් ඇති කෙනෙක් ඉදලා එයාට ඉෂ්ට දෙවිවරු සෑහෙන්න හිටියත්, දිව්‍ය - බ්‍රහ්ම ලෝක වලට ප්‍රධාන වෙන ශක්‍ර දෙවියෝ ඇතුළු දෙවිවරු ආශිර්වාද කලත්, පෙර කල වරදක් තිබ්බොත් ඒ ගැන කියන්නෙ ප්‍රේත - අසුර වගේ පහත් අමනුෂ්‍ය ආත්මයක් උනත් ඒ කාරණය සලකා බලනවා. සමහරවිට විපාක ලැබෙන්න හේතු වෙනවා. අනිත් කාරණය ඒ අධිකරණයේ “අභියාචනාධිකරණයක්“ නැහැ. එතන සියල්ල සලකා බලල තීන්දුව දෙන එක තමයි වෙන්නෙ.
මේව දන්න නිසා තමයි බුදුහාමුදුරුවො දේශනා කරන්න ඇත්තෙ ඉක්මණට නිවන් යන්න කියල. අප්‍රමාදි වෙන්න කියල. බුදුන්වහන්සේගේ ගුණ සිහි කරද්දි, විජ්ජාචරණ සම්පන්න කියන ගුණය ඇතුලේ තියෙනවා චුතු පපාත(  සත්වයන් කර්මානුරූිව ඒ ඒ සත්ව ලෝක වලින් චුතවීම), ආසයානුසයඤාණය ( සත්වයන්ගේ කෙලෙස් සැගවී තියෙන විදිය), ඒවගේම චේතෝපරිය ( ඒ ඒ සත්වයන්ට ධර්මාවබෝධය ඇති වෙන ආකාරය) කියන ඥානයන්. ඉතින් ඒවත්, සියලු කෙලෙසුන් නසා ලබන ආසවක්ඛය ඥානයත් බුදුවරයෙක්ටම විතරයි තියෙන්නෙ. ඒව හරියටම තේරුම් ගන්නත්, විග්‍රහ කරන්නත් පුලුවන් බුදුවරයෙක්ටම විතරයි.

මේව හිතද්දි අපි කොයිතරම කොයි විදියට හිතුවත් සංසාරගත සියල්ල එක්ක විපාක ලැබෙද්දි ඒව සර්ව සාධාරණයි කොයිතරම අසාධාරණ විදියට අපිට හිතුනත්..
ඔය අතර කදුලුගේ පින්තුරයකුත් දැක්කා ඒකත් මේ ලෝකයේ වෙන දෙයක්.. හ්ම්...

මේ දිනවල ඇවිදින නිසා හිතුනු දේවල්

මේ දවස් වල තරමක් රට වටේත් ඇවිදින නිසා එක එක කාරණා ගැන ගැඹුරින් හිතන්න තරමක් හරි හේතු කාරණා ඇති වෙනවා. බුද්ධානුස්සතියත්, ධම්මානුස්සතියත් තරමක් හොදින් කරන්න කටයුතු කරනවා. නමුත් සංඝානුස්සතිය කරගන්න අමාරු වෙනව. ඊට අමතරව සුපටිපන්න ගුණය අද ඉන්න ස්වාමින්වහන්සේලා බොහෝමයකට නැති දෙයක්. ඉතින් ආදි ආර්ය මහා සංඝරත්නය කියල හිතන්න වෙන තරමට ඒක එහෙමයි.

ඊට අමතරව පව් නිසාම හිරවුනු ආත්ම කෝටි ගණන්, භූත, ප්‍රේත අය වැහි වැහලා. එයාල තමයි මිනිසුන්ට ලෙඩ රෝග, කරදර දෙන්නෙ. එයාල පුදුම අහංකාරකමින් ඉන්නවා. ඒ පීඩන ආවාම මිනිස්සුත් අහංකාර වෙලා තව කරදර කරගන්නවා. කිව්වට විශ්වාස කරවන්න බැහැ. පේන්නෙත් නැහැනේ. එහෙම හිතුවාම මේක හරි සංකීර්ණයි.

එක චරිතයක් ගැන හිතුවාම, ඒ චරිතය පෙර අකුසල් නිසා උන්මත්තක වෙන්නත් බොහෝවිට ඉඩ තියෙනවා. නමුත් ඒ චරිතයට ඒක කිව්වට පැහැදිලි කරන්න හැදුවට තේරුමක් නැහැ. ඒකට හේතුව අධික අහංකාරය. මුලදි ඒ චරිතය එහෙම අහංකාර නොවුනත්, පස්සෙ පස්සෙ අමුතුම උද්ධච්ඡකමක් එක්ක අහංකාරකමක් ඇති කරගත්තා. ඒතුල වැරදි තීරණ ගන්නවා. වැරදි අය එක්ක සම්බන්ධ වෙනව. උන්මත්තක ස්වභාවයට ලං වෙන්න හේතු වෙන පව්කාර චරිතයක් නිසා ඒ තත්වය ඇති කරගන්නට බොහෝම ඉඩ තියෙනවා. මොනව කරන්නද බේරගන්න බැහැ. සමහර අකුසල් බුදුන්වහන්සේ වැඩ හිටියත් වලකන්න බැහැ.

පහුගිය දවසක ධර්ම දේශනාවකදී එක්තරා මහත්තයෙක් දෙවියන්ගෙන් විනිර්මුක්ත බුදු දහමක් ගැන කියනවා වෙනත් ආගම් වල අයට. බුදු දහම දෙවියන්ගෙන් අයින් වෙච්ච දෙයක් නෙමෙයි.
 බුදු දහම කියන්නෙ මැවුම්වාදය ප්‍රතික්ෂේප කරන, සර්ව බලධාරි දේව සංකල්පය ප්‍රතික්ෂේප කරන ආගමක් නොවුනු, ඇදහීමක් නොවුනු ජීවන දර්ශනයක්.
අපි අහල තියෙන්නෙ, කියන්නෙ, “ දෙවියන් - බුදුන් ඇතුළු “ කියල. බුදුන් දෙවියන් නෙමෙයි. ඉතින් දෙවිවරු තමයි ශාසනය ලෝකය බලාගන්නෙ. රකින්නෙ. බෝධිසත්වයන්ට බුදු වෙන්න වඩින්න කියන්නෙත් දෙවිවරුයි. දැන් ඊලගට බුදු වෙන මෛත්‍රි බෝධිසත්වයන් තුසිත දිව්‍ය ලෝකයේ වැඩ හිටිනවා දෙවි කෙනෙක් වෙලා. ඊටපස්සෙ බුදු වෙන්න ඉන්න නාථ දෙවියොත් එහෙමයි.

දේව සංකල්පයේ ගැටළුව වෙන්නෙ යාඥා කරගෙන සියල්ල ඒ වෙනුවෙන් කැප කරාමයි. ඒ වෙනුවට දෙවියන් කියන්නෙ පුද පඩුරුයි, පූජා වට්ටියටයි රැවටෙන - කැමති වෙන කොටසක් නොවෙන බව තේරුම් අරගෙන වැඩ කරන්න පුලුවන් නම් එච්චරයි. ඇත්තටම දේවාල වල අරක්ගෙන ඉන්නෙ භූත - ප්‍රේත - අසුර කොටස් වැඩි හරිය. ඒකියන්නෙ එයාල ඒ ඒ දෙවි කෙනාගෙ සේනාවෙ ඉන්න පරිවාර සේනාවට අයිති අය. දෙවිවරු  ගොඩක් වෙලාවට භාවනා කරගෙන නිවන් ගමන සාක්ෂාත් කරගන්න වැඩ වල තමයි දැන් කාලෙ ඉන්නෙ.

සමහර අය ශක්‍ර දෙවියෝ ගැන කිව්වාම එයාලට මතක, චාතුර්මහා රාජිකයටයි, තුසිතයටයි අධිපති කියල විතරයි. ඒත් දැන් කුසල ශක්තිය වැඩි දියුණු වීම තුල දිව්‍ය - බ්‍රහ්ම ලෝක 2ටම ප්‍රධාන වෙන්නෙ ශක්‍ර දෙවියො තමයි. සුමනසමන් දෙවියො ගැන පොත් වල තියෙන්නෙ සෝවාන් කියලයි. නමුත් ඇත්තටම දැන් දෙවියො සකෘදාගාමි වෙලා ඉන්නෙ. ඒ පොත් වල තියෙන දේ නෙමෙයි. ඒ අනුව වැඩ කරන්න ඕන. 

පහුගිය දවස් වල ජුනි 29-30 - ජුලි 01

පහුගිය කාලය ටික දවසක් තරමක් කාර්යබහුල වෙච්ච නිසා බ්ලොග් එක ලියන්නත් තරමක් අමතක උනා.

  

28 උදේ ජිම් ගිහින් හවස කැළණි ගියා. කිත්සිරිමෙවන් රජමහා කැලණියෙත් , කැළණි රජමහා විහාරයෙත් වන්දනාමාන කලා. ඊට කලින් බත්තරමුල්ලෙ පන්සලකටත් ගියා. එතකොට දවසට පන්සල් 3ක ගිහින් තියෙනවා. මාර්තු මුල ඉදල අද වෙනකම් හැමදාම වගේ දවස් 2-3ක් ඇරුනාම හැමදාම පන්සල් ගිහින් තියෙනවා.

29 වෙනිදා ගමේ ගියා. ඒ අතර උඩු වියන හදවාගෙන ගෙනිච්චා. ධර්ම දේශනය කලේ කහදුවේ කෝලිත හාමුදුරුවො. බොහෝදෙනෙක්ගෙ අදහස අනුව උඩු වියනත්, මුතු කුඩයත් අපේ දානයට භාවිත කරලා පූජා කරනව කියල හිතුවා. සතුටු දවසක්. මහන්සියෙන් කැපවීමෙන් ගෙවුනු දවසක් උනා.

30 වෙනිදා ධාතු කරඩුව උඩු වියන සහ මුතු කුඩය යටින් වඩම්මලා එහෙමම පූජා කලා. සීයා සිහිකර 4 වෙනි වසරටත්, ආච්චි අම්මා සිහි කර 21 වන වසරටත් පවත්වපු දානමය පිංකම නිසා එතනදි අටපිරිකර ඇතුළු බොහෝ සෙසු පිරිකර අතර මේ පූජාව කරන්නට ලැබීම ගොඩක් සැනසිලිදායක දෙයක් උනා. නියාගම පන්සලේ විහාරාධිපති මාපලගම නන්ද හාමුදුරුවෝ අසනීප තත්වයෙන් සිටි නිසා වැඩියෙ නැහැ. ඒවගේම හැමදාම වැඩිය අම්බන බෞද්ධ මධ්‍යස්ථානාධිපති ඇල්පිටියෙ ධම්මික හාමුදුරුවෝ ඇමරිකාවේ වැඩල නිසා වැඩියෙ නැහැ. ඒ ඇරුණු කොට මහා සංඝරත්නය වෙනුවෙන් 20 නමක් ස්වාමින්වහන්සේලා වැඩිය.
    

හවස “ගල් වලට “ ගියා. වැඩි වෙලාවක් නොතිබුනත් තරමක් සතුටු උනා. හොදින් ගෙවුනු දවස් කීපයක්.