ගෝඨාගෝගම වගාව සිදුවූයේ අවසාන කාලයේය. එය ටියුඩර් රාජපක්ෂ/ ගෝඨාගෝගම අංකල්ගේ හැකියාව සහ කැපවීමද, දක්ෂතාවයද මත සිදුවූවකි. මුලසිටම අංකල්ට උදව් සැපයූ යේ මාය.
මගේ අදහස වූයේ, සාගතයක් රටේ ඇතිවිය හැකිය යන අදහස තිබුනු නිසාද, වගා සංග්‍රාමයන් ගැන කියවුනු නිසාද, ගෝඨාගෝගම තනිකර කොළපාට කරන්නටය. එනම් අප විසින් සාදා දෙන කුඩා පැල, ගෝඨාගගම තිබුනු 50කට අධික ටෙන්ට් වල අය රැගෙන ඵලදාව ගනී කියලාය.
එතකොට, " නිකන් කන උන් " යන අපහාසයද නිකන්ම ලොප් වෙනවාය..
අවාසනාවකට එය සිදු වූයේ නැත. අංකල් විසින් එම පැල ගෝඨාගෝගම බලන්නට ආ බොහෝ අයට දුන් බව මතකය. තවද, මුලදී කිසිදු සහයක් අංකල්ට ලබා නොදුන් බොහෝ අය, ඵලදාව පැමිණීම සමග අංකල්ට කවි - නිසැදස් මෙන්ම ගීත ද ලියු බව මතකයි. බොහෝ සමාජ මාධ්‍ය වල අංකල්ගේ කටයුතු ගැන පල උනාද මතකය..
එක චරිතයක්, ෂැංග්‍රිලා ඉදිරිපිට තිබෙන ඓතිහාසික බණ්ඩාරනායක මහතාගේ ප්‍රතිමාව කැඩිය යුතුය යන මුග්ධ කටයුත්ත ගැන කතා කර ඊට යම් දෙයක් කල නිසා, පොලිසිය පසුවදාම අධිකරණ නියෝග ගත්තේ ඒ අසල මීටර් 50ක් වටේට සියලු ඉදිකිරීම් තහනම් කරන ලෙසයි. එය රජයට මහත් අස්වැසිල්ලකි, ඔවුන් බලාසිටි දෙය ඔවුන්ට කර දුන්නා වැනි විය. ඒ තුල සැගවුනු බොහෝ දේ ඇති.. ඒ ගැන පසුවට කතා කරමු..
කෙසේ වුවද, ඒ අවස්ථාවේ සියලු ඉදිකිරීම් ඉවත් කලද, අංකල්ගේ වගාවන් පොලිසිය ඉවත් කලේ නැත. ඔවුන්ද එහි වටිනාකම දන්නා නිසාය.
අගෝස්තු 8 මම අවසානයට ගෝඨාගෝගමට යන විට වගාව සෑහෙන්න ඉවත් කර තිබුනු බවත්, අංකල් ගෙදර ගිහින් බවත් මතකය..
