අපි දන්න විශ්වාස කරන විදියට, කේන්දර කියල කියන්නෙ ජිවිතේ හොඳට, යහපත් පැත්තට ගෙනියන දෙයක්.
බය කරන්න, හිත නරක් කරන්න තියෙන දෙයක් නෙමෙයි...
සාත්තරකාරයොයි, ජ්‍යොතිෂ්‍යය පන්ති ගිහින් ඉගෙන ගත්ත අයයි මිනිස්සු බය කරන්න තමයි මේක පාවිච්චි කරන්නෙ.
අන්තිමේ වෙන්නෙ ජ්‍යොතිෂ්‍යය කියන දේ ගැන වගේම, තමන්ගෙ ජිවිතේ ගැනත් කලකිරිමක්, එන එක..
* අතිබහුතර කේන්දර කරන අය එහෙම නිසා... ඊට මීට වඩා හොඳයි කේන්දර කියන දේ අමතක කරලා තමන්ගෙ වැඩ කරගන්න එක....
_ තව කොටසක් දේවාල වලට යනවා මහ පුද පූජා දේවල් අරගෙන, පඬුරු තියාගෙන හැබැයි කරන්නෙ සදාචාරයට විරුද්ධ වැඩ. කරන්නෙ පව්කම්, හිතේ තියෙන්නෙ අයහපත...
ඉතින් ඒ මෝඩ මිනිස්සු හිතනවා, තමන් අද මේ ඉහල තත්වෙ ඉන්නේ දෙවිවරු ආශිර්වාද කරල කියල..
ඒ අය තේරුම් ගන්න ඕන දේ තමයි, පව්කාරයන්ට දෙවිවරු ආශිර්වාද නොකරන බව... දෙවිවරු
කියන්නෙ මිනිස්සු වගේ වරප්‍රසාද වලට රවට්ටගන්න පුලුවන් කොටසක් නෙමෙයි, ලෝකෙ පලවෙනි
බුදුන්වහන්සේගෙ කාලයේ සෝවාන් වෙච්ච දෙවිවරු පවා දේව මණ්ඩලයේ ඉන්නවා.
දේව මණ්ඩලයේ හැම ආගමේම දෙවිවරු ඉන්නවා, හැබැයි සර්වාගමික පූට්ටුවක් නෙමෙයි දේව මණ්ඩලය. දෙවිවරු ධර්මයට ගරු කරනව. ධර්මය රකිනව.
දේව මණ්ඩලය සර්ව බලධාරිත් නැහැ.
සමහර අයට තියෙන ප්‍රශ්නයක් ඇයි මේ වැරදි වෙද්දි දෙවිවරු බලාගෙන ඉන්නෙ කියල, උදාහරණයකට ගණ දෙවියන්ව පෙන්නගෙන මහා ව්‍යාපාරයක් තියෙනව.
කොටසකගෙ ප්‍රශ්නය තමයි ඇයි ගණ දෙවියො මොකුත් නොකරන්නෙ කියල..
- ඒක තමයි කියන්නෙ දෙවිවරු කියන්නෙ මිනිස්සු වගෙ හිතන අය අය නෙමෙයි කියල. ගනේශ්වර දෙවියො ඕකට සම්බන්ධත් නැහැ. දෙවියන්ගේ පරිවාර සේනාවක ඉන්න කොහේ හරි කොනක ඉන්න ප්‍රේතයෙක් හරි භූතයෙක්ගෙ හරි සම්බන්ධයක් ඇති.
හැබැයි කාගෙවත් කර්මය වෙනස් කරන්න දෙවිවරු වැඩ කරන්නෙ නැහැ. කරන දෙයක්, ආශිර්වාදයක් හෝ කර්ම විපාක ලබාදිමක් කරන්නෙ අදාල අයගෙ කර්ම ශක්තියට අනුකූලවයි..
(පහුගිය කාලෙ දිගටම බලයේ ඉන්න දඟලපු සියලු භෞතික බලය තිබ්බ අයටත් තමන්ගේ පින ඉවර උනාම යන්න උනා).
දෙවිවරු නෙමෙයි ඔය පඬුරු, පූජා වට්ටි, වැදුම් පිදුම් වලට කැමති වෙන්නෙ ආසා වෙන්නෙ... ප්‍රේත, භූත වගේ කොටස් තමයි කැමති. දෙවිවරුන්ගෙ අධ්‍යාත්මික ශක්තිය බොහොම දියුණු නිසා ඔය වගේ දේවල් වලින් වෙනස් වෙන්නෙ නෑ.
දෙවිවරු කැමති කරන පිනකදි තමන්ටත් පින් අනුමෝදන් කරනවට, හැබැයි හිතන්න එපා දෙවිවරු යැපෙන්නෙ අපි දෙන පිනෙන් කියල නම්... හ්ම්..
No comments:
Post a Comment