Tweets by @Tweetsbysuku myblog

Facebook Fan Page

Monday, January 11, 2021

Monday, December 21, 2020

2 වන සේන රජු


 මෑතකාලීන “ සේන “ නම කෑලි අගට මුලට ආපු අය නිසා එක එක කතා තිබුනත්, ඉතිහාසය හොයාගෙන යද්දි, “ 2 වන සේන රජතුමා “ කියන්නෙ විශිෂ්ට රජ කෙනෙක්..

2 වන සේන රජතුමා රජ වෙන්නෙ 1 වෙනි සේන රජතුමාගෙන් පස්සෙ.

( ක්‍රි.ව. 853 - 887)

⭕ 1 වෙනි සේන රජුගෙ රාජ්‍ය කාලයෙදි, මහාවංශය කියන හැටියට, ක්‍රි.ව. 833දී විතර ශ්‍රී මාර වල්ලභ කියන පාණ්ඩ්‍ය රජු, අනුරාධපුර රාජධානිය ආක්‍රමණය කිරීමත්, එහිදී වෙච්ච සටනෙදි 1 වෙනි සේන රජුගෙ සහෝදරයන් වූ කස්සප ආදිපාද සහ මහින්ද කුමරු මරණයට පත් වෙනවා. 2 වෙනි සේන කියන්නෙ කස්සප ආදිපාදවරයාගෙ පියායි.

අනුරාධපුර රාජධානියට බරපතල හානි කරන ශ්‍රී මාර වල්ලභ, ගිවිසුම් ගතව නැවත රට භාර දී තමන්ගේ රාජ්‍යයට යනවා.

 පියා නැතිව කරදර ඇතිව මලය රට හැදී වැඩෙන 2 වෙනි සේන කුමරු, යුවරජු වෙනවා. ඒකට  හේතුව 1 වෙනි සේන රජුගෙ පුතා රෝගයකින් මරණයට පත් වීම.


⭕  රාජ්‍යත්වයට පත් වී වී කල මුල්ම ක්‍රියා අතරට, රටේ ආරක්ෂාව තර කීරීමත්, බලමුළු වැඩි කිරිමත්, විශේෂයෙන් වෙරලබඩ ආරක්ෂාව තර කිරීමත් කියන්න පුලුවනි. පාණ්ඩ්‍ය සේනාව විනාස කරපු, ලෝවාමහාපාය, මැදිරිගිරිය වටදාගෙය වගෙ වටිනාකම් ඇති ස්ථාන සහ තවත් බොහෝ දේ නැවත ප්‍රතිසංස්කරණය කරල තියෙනව. වාරි කර්මාන්තයටත්, කෘෂිකර්මාන්තයටත් අගය දීලා තියෙනවා, රෝහල්  සෑදීම ගැනත් රජතුමාගෙ නම යටතේ සදහන් වෙනවා.

 

- බලවත් නිසාම වසර 30කට වැඩි රාජ්‍ය කාලය පුරා කිසිම බාධාවක් රාජ්‍යත්වයට හෝ රටට ඇති වෙලා නෑ.


⭕ ක්‍රි.ව. 844දී විතර, පාණ්ඩ්‍ය රජව සිටි ශ්‍රී මාර වල්ලභගෙ පුතා, තාත්තට විරුද්ධව සිංහාසනය වෙනුවෙන් යුද්ධ කරද්දි, 2 වෙනි සේන රජුගෙන් ආධාර ඉල්ලනවා, අතිදක්ෂ සෙනෙවියෙකු සමග සේනාවක් ලබාදෙනවා. 

ඒ යන සේනාව සමග යුද වැදිලා ශ්‍රී මාර වල්ලභ මරණයට පත් වෙනවා. ලංකාවෙන් කොල්ල කාපු ගොඩක් දේවල් සේනාව ගේනවා වගෙම, එයින් පසුව කාලයක් යනතුරුම පඩි රට ලංකාවට යටත් රාජ්‍යයක් විදියට තිබුනු බවත් කියැවෙනවා..


- ඉතින් අද වැඩ බැරි සේනලා ඉන්නව කිව්වට, ඒ කාලේ බොහෝම කරදර මැද හැදී වැඩිලා රට - ජාතිය රැකගෙන වැඩි දියුණු කරපු රජවරු ඉදල තියෙනවා..


- කවදාවත්, අද ඉන්න පාලකයෝ එක්ක එදා හිටිය පාලකයන් සම කරන්න එපා..


#2වනසේන #ඉතිහාසය


Wednesday, November 18, 2020

ධර්ම යුද්ධය චිත්‍රපටය



“ ධර්ම යුද්ධය “ කතාව ගැන, අයිය කෙනෙක් කියපු කතාවෙදි, මාත් ගොඩක්  කැමති වෙච්ච, Drishyam (2015) කියල හින්දි චිත්‍රපටිය ගැන මතක් උනා. මේකට බොහෝම සමාන සිනමා පටයක් හොලිවුඩ් වගේම, තමිල්නාඩු සිනමා පටයකුත් තියෙන කියල අහල තියෙනවා. 

- Drishyam (2015) වල ප්‍රධාන නළුවා අජේ දේව්ගන්. බොහෝම අගේට කරනවා. මේ කතාවෙ ප්‍රධාන නළුවා ජැක්සන් ඇන්තනී. දෙන්නම බොහොම  හොදට රඟපෑවා උනත්, අවාසනාවකට වගේ හින්දි චිත්‍රපටය එක්ක බලද්දි  සාපේක්ෂව අපේ එක ගැන තියෙන්නෙ කණගාටුවක්. හින්දි චිත්‍රපටය කලින් බැලුවත්, ඒකට ඒ තරම කැමති උනත් අපේ කතාවේ සාපෙක්ෂව දන්න නළු නිලියෝ බොහෝමයක් හිටිය නිසා අමුතුවෙන් හින්දි කතාවට මම කැමති වීම  පක්ෂපාති වීමක් කියල හිතෙන්නෙ නෑ..

- කුමාර තිරිමාදුර කියන්නෙ බොහෝම මානුෂීය වගේම හැඟුම්බර කෙනෙක් මම හිතන විදියට. එයා, ඔය වගේ දුෂ්ට චරිතයකට ගැලපෙන්නෙ නෑ. ඒක මම චිත්‍රපටය පුරාම දැක්කා. ගයිතොන්ඩේ කියන හින්දි කතාවෙ හිටිය කෙනා බොහොම අමානුෂීය විදියට, සරලව කිව්වොත් නරුම විදියට වැඩ කරන කෙනෙක්. එහෙම ඒවා හරියට අපේ චිත්‍රපටයේ පෙන්නුවේ නෑ. ඒවගේම කතාවෙ ගලායාම හින්දි චිත්‍රපටය තරම් හොඳින්ම තිබ්බෙත් නෑ. සමහර තැන් වල ඒ අදහස කියෙනවා මදි.

ඒත් හැඟීම්බර වීම වගේම භාවාත්මක ප්‍රකාශනය, රංගනය එක්ක ජැක්සන් ඇන්තනීගේ රංගනය අජේ දේව්ගන්ට වඩා හොදයි කියල හිතෙනව. ඒවගේම ඒ අසරණකම එක්ක එන හැඟීම්  ප්‍රකාශනය තනි පුද්ගල විදියට ගත්තොත් ජැක්සන් ඇන්තනී හොදින්ම දියුණුයි..

අම්ම විදියට ඉන්න දිල්හානි ඒක නායකයත්, ලොකු දුව විදියට ඉන්න තිසුරිත් හොදට රඟපානවා. සාපේක්ෂ කලොත් වඩා හොදයි. 

කුසුම් රේණුගේ විශාල බලයක් තියෙන චරිතය හරිම විදියට ආවෙ නෑ කියල හිතෙනව..


- ඊලග කාරණාව, පාර්ලිමේන්තු මන්ත්‍රී කෙනෙක්ට පොලිසියෙන් ආරක්ෂාවට දෙන්නෙ 2යි. කැබිනට් අමැතිට උනත් 7යි. මේකෙ පාර්ලිමේන්තු මන්ත්‍රීවරියට ඉන්නවා 20කට වඩා. අනික ඒ ඉන්න අය  ඇමති ආරක්ෂක අය (MSD) වගේ පේන්නෙ. පක්ෂ ලේකම්වරියක් උනත් අමුතුවෙන් ආරක්ෂාවක් එහෙම ලැබෙන්නෙ නෑ. සමහරවිට ප්‍රයිවට් ආරක්ෂාවද මංදා..

- හින්දි කතාවේ, පොලිසියේ ඉන්නවා පොලිස් පරික්ෂකලා 2ක්. අයීපිලා 2ක්. 1ක්  සීනියර්. එයා තමයි ඒ පොලිසියේ ඕඅයිසී. ඉන්දියන් පොලිසියේ තරු 3 තමයි  ඉන්ස්පෙක්ටර් වෙන්නෙ. තරු 2 සබ් ඉන්ස්පෙක්ටර් ( උප පොලිස් පරික්ෂක) මේ කතාවේ එක අයිපී කෙනෙක් ඉන්නවා එයා ( තරු 2) ( රොෂාන් පිලපිටිය), හැබැයි එකම තරු 1 තියෙන එස් අයි කෙනෙක්  ( උප පොලිස් පරීක්ෂක) කෙනෙක් නෑ. 

 

හින්දි කතාවේ, දූෂිත චරිතය වෙච්ච ගයිතොන්ඩේ තරු 2ක් තිබ්බ, උප පොලිස් පරික්ෂක කෙනෙක්. හැබැයි අපෙ කතාවේ ඒ චරිතය තරු 01ක්වත් නෑ විතක් නෙමෙයි, සාජන් කෙනෙක්වත් නෙමෙයි වගේ. 

ඒක ටිකක් වෙනස්.


- ධර්ම යුද්ධය සිනමා පටය ගැන දැනගන්න කලින් මම පූර්ව ප්‍රචාරක පට වගේ  ඒවයෙන් දැක්කත්, මම දැනන් හිටිය කතාවෙම කොපියක් කියල මම දැනන් හිටියෙ නෑ. දැන් තමයි ඒක තේරුනේ. කොහොම උනත් ඔයිට වඩා හොදින්  කරන්න තිබ්බ කියල හිතනව, හොදම නළු නිලියෝ හිටිය නිසා. 


Wednesday, November 4, 2020

මගේ අත්දැකීමේ හැටියට IPhone 11 Pro Max එක,


මම 11 ප්‍රෝ මැක්ස් එක ගන්න කලින් පාව්චිචි කලේ, 7 ප්ලස් එක.
අවු 4ක් විතර කිසිම කරදරයක් නොදී තිබ්බ ෆෝන් එක. අන්තිම කාලෙ බැටරිය මාරු කලා, සිංගප්පූරු ඇපල් ස්ටෝ එකෙන් ගෙන්වලා..

English Translations - https://www.tipsyinsider.com/2020/11/01/iphone-11-pro-max-my-experience/

- 11 ප්‍රෝ මැක්ස් එකේ 1 වෙනි දේ දැක්ක ගමන් අමුත්තක් වෙන්නෙ ඒකෙ විදිය.. හිතට දැනෙනවා සතුටක් එනවා. ඊලගට අතට ගත්තාමත් ඒ වෙනස විශේෂයෙන් තියෙනවා, 7 ප්ලස් එකට වඩා වෙනසක් තියෙනවා. ටච් කරාම හරිම ලේසියි සහ ඉක්මණ්..

- ඒවගේම, බැටරි ලයිෆ් එක සෑහෙන්න හොදයි. 

Low Power Mode නොදා සාමාන්‍ය විදියට දවස් 1 හමාරක් බැටරිය තියෙනව. දුර ගමනක් ගියොත් කිලෝමීටර් 200ට එහා, වව්නියා - කිලිනොච්චි වගේ දවසක් තියෙනව. එහෙම තිබිල තියෙනව.

- ඊලගට කැමරාව, මට දැනුනු දේවල් තමයි Wide Angle පින්තූර,  Portrait පින්තූර තව දියුණු වෙලා තිබ්බා, ඒවගේම Night Mode එක කලින්ට වඩා සැහෙන්න දියුණුයි..

මම ගේම්ස් එහෙම කරන - දන්න කෙනෙක් නෙමෙයි. කරන ගේම්ස් කීපය මම කරන්නෙ අයිපෑඩ් එකේ නිසා මම දන්නෙ නෑ ෆෝන් එකේ කොහොමද ගේම්ස් වෙන්නෙ කියල. 

 - එයාපොඩ්ස් වලට වගේම එයාපොඩ්ස් ප්‍රෝ එක්කත් හොදින් වැඩ කරනවා. ලංකාවෙ ඉන්ටනෙට් අවුල මිසක් හොද ස්පීඩ් කනෙක්ෂන් එකක් තිබ්බ නම් මීට වඩා හොද වේවි කියල හිතෙනව. හ්ම්..

#iPhone11ProMax 

Sunday, November 1, 2020

Before you Adopt a Pet !

 



There are thing you have to know and make sure of before adopting a pet. 

This is Facebook Video for it !



රට සහ ඉදිරිය ගැන මට හිතෙන හැටියට,

 


දේශපාලන අර්ථයෙන්, අපි විශ්වාස කරන - කැමති දේශපාලන දේවල් වලින් රට ගැන තීරණ ගන්නව නම් ඒක නිවරදි නැහැ.

කොහොම උනත් අපේ රට වගේ රටක් ගැන දේවල් කියද්දි, දේශපාලන අදාලත් වෙනව සෑහෙන්න..

- සමහර යාළුවෝ සහ අපි නිතර සමාජ මාධ්‍ය වල දකිනවා, චීනෙ ලංකාව අල්ලාවි, ඇමරිකාව අල්ලාවි වගේ දේවල්. 

ණය බර අධික වෙච්ච, ලෝකෙ වැඩිම වක්‍ර බදු ගෙවන රටක් වෙන අපිට එහෙම බයක් ඇති වෙන එක සාධාරණයි. චීනෙන් අධිකව ණය ගැනීමත්, අපේ අපනයන වලින් 1/3 වඩා ඇමරිකාවෙන් ගැනීම වගේ කාරණාත් එක්ක ඒව වෙන්න පුලුවනි. අනික රට ගැන පාලකයන්ගෙ තියෙන නොසැලකිල්ල. 

කොරෝනා මුල් රැල්ලට පස්සෙ සෞඛ්‍ය අංශවත් දියුණු කරන්න කිසි දෙයක් නොකිරීම තුල ඒක පැහැදිලියි.

ඒව දැනෙන  - තේරෙන කාරණා.

අනිත් පැත්ත හිතුවාම, 

● ලංකාව කියන්නෙ ලිඛිත ඉතිහාසයේ වසර 2500 තුල දැනුවත්ව විතරක් 3 වතාවක් බුද්ධ ශාසනයට පූජා කරපු රටක් ! 

● සර්වඥ ධාතුන්වහන්සේලාගෙන් වැඩි හරියක් තියෙන්නෙ අපේ රටේ. අපි දන්න ඒවා වගේම නොදන්න ඒවත් බොහෝම තියෙනවා. සර්වඥ ධාතුන්වහන්සේලා ලෝක පාලක දෙවිවරු රකිනවා. ඒවගේම, නාග ලෝකයෙත් ( ගිය අවුරුද්දෙ කැළණි පන්සලේ කරපු විගඩම නෙමෙයි, ඒක බොරුවක්), සෑහෙන්න සම්බන්ධකම් තියෙන්නෙ අපේ රටට. නාග ලෝකය ගත්තාම අපිට වඩා ගොඩක් කුසලය බලවත් අය ඉන්න ලෝකයක්. 

● අපේ රට කොයිතරම බෞද්ධ උනත්, ඉතිහාසය පුරාම අපි රටක් විදියට සෑහෙන අසරණ උනු කාල අපිට ඉතිහාසය හොදට කියෙව්වොත් හොයා ගතෑකි.

උදාහරණ විදියට, එලාර රජුගේ කාලයේ අනුරාධපුර පැති වල අපේ ජය ශ්‍රී මහා බෝධින්වහන්සේට, ථූපාරාමයට කරපු අසාධාරණ ඉතිහාසය හොදින් කියෙව්වා නම් තේරුම් ගන්න තිබ්බා. 

“ සිංහලකම “ කියන්නෙ අනිත් ජන වර්ග - ජාතින් මරා දාලා, රට විනාස කරන පාලකයන්ට බලය දෙන්න මෝඩ වෙන එක නෙමෙයි -( ඒක දැන් තේරනවා ඇති)

මේ වගේ ප්‍රෞඪ ඉතිහාසයක් අපිට තියෙන නිසා ඊලග ගමන හරියට යන්න ඒකෙන් පාඩම් ඉගෙනීමයි.

- ඉතින්, මිථ්‍යාදෘෂ්ටික ද්‍රවිඩයන් ඒකාලෙ ජය ශ්‍රී මහා බෝධින්වහන්සේගේ නැගලා ඔංචිලි පදිනවලු. ථූපාරාමයට ගිහින් මලපහ කරනවලු. ඕව දරන්න බැරිව එක තරුණයෙක් කරන්නෙ ඕව කරන්න එන අයව මරලා දානව. අසාමාන්‍ය කාය ශක්තියක් තිබ්බ ඒ තරුණයා ( නන්දිමිත්‍ර) මරණ අයව, ජය ශ්‍රී මහා බෝධින්වහන්සේ ඇතුලු අටමස්ථානයම රකින “  කළු දේවතා බණ්ඩාර“ දෙවියන් ඇතුළු දෙවිවරු හංගනවලු. ඒකියන්නෙ මෘත දේහ නෑ. මිනිස්සු යනවා අතුරුදන් වෙනවා. එච්චරයි. පස්සෙ කාලෙක ඒ තරුණයා දස මහ යෝධයෙක් විදියට රට බේරගන්න උදව් කරනවා. 

- කාලිංග මාඝ කාලෙත්, පෘතුගිසින් විශේෂයෙන් දොන් ජෙරනිමෝද අසවේදු කියල හිටිය පෘතුගිසි කපිතාන් පුදුම තරම් විනාසයක් අපේ විහාරස්ථාන වගේම මිනිසුන්ට කරල තියෙනවා. පහුගිය කාලේ වඳ පෙති වගේ කතාත්, තව බොහෝ දේ එක්ක දේශපාලන කැම්පේන් කරලා මුස්ලිම් අය නරකයි වගේ කිව්වට ඒ කාලෙ මරක්කල අය සිංහල රජුට පක්ෂපාතව ඉදල තියෙනව සෑහෙන්න. වීදිය බණ්ඩාරගේ උවමනාවට කොළඹ කොටුවෙත් ආසන්නවත් හිටිය පෘතුගිසින්ට සෑහෙන්න කරදර කරල තියෙනවා සිංහල අය එක්ක එකතු වෙලා. 

රට බේරගන්න නම් මුලින් ඉතිහාසෙ කියවන්න ඕන - නිකමට කිව්වෙ..

- ඔය හරියට රට ජාතිය දන්නෙ නැති අය තමයි, මහා රාවණා නැගිටින කතාවටයි, කැළණි ගගේ නයාගෙ කතාවටයි ලේසියට රැවටෙන්නෙ.  ඒ අයට හිතන්න ශක්තියක් නෑ. එනිසා ඕන දේකට අහු වෙන්න ඒනිසාම ප්‍රචණ්ඩ වෙන්න ඉඩ වැඩියි..

කොහොම හරි, මම මේ කිව්වෙ, අපි ඉතිහාසෙ පුරාම සෑහෙන කරදරකාල පහු කරපු ජාතියක්. ඔය කිව්ව ඒවට අමතරව, මහා විජයබාහු රජ පහල වෙන්න කලින්, 5 වෙනි මිහිදු රජතුමාගෙ කාලය, ධාතුසේන රජතුමාට කලින්, වලගම්බා රජතුමාගෙ කාලය වගේ කාලයන් පවා සෑහෙන කරදර විදල තියෙනවා..

- මොන අඩුපාඩු තිබ්බත්, නැතත් අපි ඒ වගේ කාල පහු කරපු ජාතියක් !!!

මේ මහ පොලවේ ඉපදුනු, සිංහල, දෙමළ - මුස්ලිම් - බර්ගර් හැමෝටම අපේ රටත් අපේ ඉතිහාසයත් අයිතියි වගේම ඒක අපි හැමෝගෙම වගකීමක්.. අදත් - එදත් 2ම අපේ යුතුකමක් රැකගැනීම සහ සංරක්ෂණය..

එනිසා හිතාගෙන හිටියට, චීනෙටවත්, ඇමරිකාවටවත් අපිව අල්ලන්න ලැබෙන්නෙ නෑ. මේක බුදුන්ගෙ දේශය.. දෙවිවරු රකින - සුරකින රට..

තම තමන්ගෙ කුසල - අකුසල අනුව විපාක තියේවි. වෙලාවකට හිතෙනවා පව වගේම පිනත් වැඩියෙන්ම ඵල දෙන රට අපේ රටද කියලත්..

- දැන් තියෙන තත්වය අනුව රටේ තත්වය බොහෝම අවදානම් කියල හිතුනත්, රට හොද තත්වෙකට ඒවි කියල හිතේ කොනක බලාපොරොත්තුවක් තියෙනව හ්ම්..

#රටයනඅත #ඉදිරිය #ඉතිහාසය #history

වෙබ් අඩවිය  - www.tipsyinsider.com

Wednesday, October 21, 2020

Issues & things I faced when update the google map

 



When I update the google map as a Local Guide it is a volunteer service.
I faced so many difficulties to do that community service. 
So it's kinda exhausting actually. 

Saturday, October 10, 2020

ගුගල් මැප් එකට පින්තූර දානකොට මූණ එක්ක පින්තූර - සෙල්ෆි යනාදිය දාන්න එපා

 ගුගල් මැප් එක ගැන ගොඩක් අය ගොඩක් දේවල් අහන නිසා, දන්න දෙයක් කියල දෙන්න හිතුනා.
ගුගල් මැප් එක අප්ඩේට් කරද්දි ප්‍රධාන දෙයක් තමයි, දාන පින්තූර වලින් අදාල තැන හරියට පැහැදිලිව පේන්න, එතන හොයාගන්න ලේසියෙන් පුලුවන් වෙන්න පින්තූර දාන එක.

අපි ෆේස්බුක් - ඉන්ස්ටග්රැම් වගේ සමාජ මාධ්‍ය ජාල වලට පින්තූර දානකොට සෙල්ෆි පින්තූර දාන එක කල යුතු සහ සාමාන්‍ය දෙයක්. ඒත් ගුගල් මැප් එකට, ලෝකල් ගයිඩ් කෙනෙක් විදියට පින්තූර දානකොට ඒක කරන එක නොකල යුතු දෙයක්. 

අනිත් කාරණය මේක සමාජ සේවයක් කියල හිතාගෙන වැඩ කරන එකයි වටින්නේ..

#ගුගල්මැප් #ලෝකල්ගයිඩ් 


Monday, October 5, 2020

May December Romance - කොළ පාට ඇස් - Upul Shantha Sannasgala

 මම සන්නස්ගල සර්ගෙ පොත් කියවන ෆෑන් කෙනෙක් නෙමෙයි. මම සර්ගෙ කියවල තියෙන්නෙ, “ කොළඹ කතාවෙ භික්ෂු පරිච්ඡේදය“ විතරයි. අපෙ අම්ම නම් “ වස්සාන සිහිනය“ ඇතුළු පොත් ගැන, සර් ගැන දැනගෙන හිටිය.

මම මේ පොත ගැන දැනගන්නෙ Kaduluගෙන්( කදුලු මම හිතන්නෙ සර්ගෙ හැම පොතම වගේ කියවල තියෙනව). දවසක් මටත්, තව දවසක සන්නස්ගල සර්ටත් මේ පොත ගැන අදහස් එයා කියනව මම අහගෙන හිටියා. එනිසා වෙන්නැති පොත ගැන අදහසක් ආවෙ.

ඒවගේම මට පොත රෝයල් තැප්‍රොබේනියන් අවකාශයෙදි කියවන්න ලැබුනෙ, කඳුළුගෙ ධෛර්යමත් කිරීමත් උදව්වත් නිසාත් මතක් වෙනවා. කියවල ඉවර කරගන්න කාලයක් ගියේ අතරින් පතර, කලබලයකින් තොරව කල නිසයි..

● මේ පොතේ මට දැනුනු විශේෂත්වය වචන වලින් කියන්න පුලුවන්ද මංදා..

පටන් ගැනීමෙදි කුතුහලයක් ඇති උනා. ඉෂා ගැනට වඩා, කසබා ගැන. නමුත් ඇත්තටම ආදරයවත් - හැකියාවන්වත් වයස මත තීරණය වෙන්නෙ නෑ. ඒ ප්‍රේමය විශේෂයි. අහම්බෙන් ඇති උනත් ඒව ඇත්තටම සංසාරගත ප්‍රේම කතාවක් වගේ කියල මට හිතුනා. නිකමට හිතුවාම, ඒ දෙන්න සාංසාරිකව බැඳිලා නම්, කසබා ඇත්තටම කලින් ඉපදිලා නම් කාලෙකට, ඒත් කවදහරි මුණගැහුනාම ඒ දෙන්න බැඳෙන්න ඉඩ තියෙනවා. මම එහෙම දේවල් වෙන්න පුලුවන් කියල විශ්වාස කරනවා.

● ඒ ආදරය වගේම, දෙමල වීම නිසා, සුළු ජාතියක් වීම නිසා දෙමල අයට විඳින්න වෙච්ච ගැහැට ගැන තරමක් විස්තර වෙනවා. ඒ ගැනත් මම දන්නවා. මම යාපනේ ඉදන් කිලිනොච්චි, වව්නියා, මුලතිව්, මඩකලපු, ත්‍රිකුණාමල පැති වල ඇවිදල තියෙනවා.

කතා කරල තියෙනවා. ඇත්තටම වේදනාත්මකයි.

කුල ප්‍රශ්නය කියන එක අත්දැකීමෙන් නොදත්තත්, ඒකත් ඒවගේම භයානක වෙන්න පුලුවන් ඇති.
අපේ ගම් වල කුලහීන කියන ගෙවල් වලට මම ගිහින් තියෙනවා. වතුර පවා බීල තියෙනවා. ඒ මිනිස්සු අපිට අමුතුම ගෞරවයක් දැක්වූවා කියන කාරණය මතකයි. ඒ ඇරුනාම අමුතු වෙනසක් තිබ්බෙ නෑ අපියි එයාලයි අතර.. අපි වගේම මිනිස්සු..


මිනිසුන්ට මනුස්සකම් නැතිව ජිවත් වෙන්න පුලුවන් උනානෙ කියල හිතුන..

විශේෂයෙන් ගිය අවුරුද්දේ මාස ගණනාවක්, යුද්ධය සම්බන්ධව සජිවි අත්දැකීම් තිබුනු ගෑණු ළමයෙක් එක්ක බොහොම හිතවත්ව හිටි නිසාත්, එයාගෙ ගෙදර වගේම ලොකුම මහවිරු සොහොනට ( කිලිනොච්චි) ගිය නිසාත් කියන කාරණාත් යුද්ධය සම්බන්ධව සෑහෙන අත්දැකීම් දෙමල අයගෙ පැත්තෙන් කියන අහන කතාව මම දන්නවා. (ප්‍රභාකරන්ගෙ උනත් හොද ගතිගුණ කියල තිබ්බ යම් දේවල් අගය කරන්නත් මට පුලුවන් උනා. එහෙම කිව්වට මට එන්ජීඕ කාඩ් එකක් වදින්න ඉඩ අඩු වෙන්නෙ අපෙ පවුල් වල හමුදාවෙ පොලිසියෙ ඉහලම අය හිටිය නිසාත්, මම රට වෙනුවෙන් යුද්ධය කාලෙ පවා යම් යම් දායකත්වයන් දක්වපු නිසාත් කියල මට මතක් වෙනව - ඒක කලේ යුද්ධය අවසන් වීම රටට හොදක් කියන අරමුණෙන්)

● ඇමරිකාවෙ වචනයක් තියෙනවා white guilt කියල. අපිට එහෙම වචනයක් නෑ.

හැබැයි මට ඒ ගැන වේදනාවක් තරමකට තියෙනවා. දෙමල අය, ලංකාවෙ ඉපදුනු අය දැන් ඉන්න හැමෝම වගේ. උතුරේ වව්නියාව - කිලිනොච්චි - මුලතිව් පැති වල විශේෂයෙනුත් උඩරටට ගියාම වතු කම්කරු දෙමල අයත් විඳිනා දුක් ගැන මට අවබෝධයක් තියෙනව. මම ඒ පැති වලට ගිහින් ඒව දන්නවා.

මට මතකයි කිලිනොච්චියෙ ගංවතුර ඇවිල්ලා අපි ගියාම, වහලට තිබ්බෙ රෙදි දාලා. ඒ තරම අසරණයි.. වතුර ටිකවත් නෑ හරියට.. ( එහෙම රටක දේශපාලකයෝ ඉහලම සැප විඳිනව කියද්දි මතක් වෙද්දි, මාත් ඒ දේශපාලන පවුල් වලට සම්බන්ධ කෙනෙක් කියල මතක් වෙද්දි මට ඇත්තටම කණගාටුයි - ලැජ්ජයි)

අපේ රටේ, දේශපාලන අරමුණු පෙරදැරි කරගෙන, බොහොම අමානුෂික විදියට ජාතිවාදය අවුලවනව. සිංහල පැති වල එක විදියකට වගේම ඒක දෙමල - මුස්ලිම් පැති වලත් තියෙන දෙයක්.

ඉතින් මේ කතාවෙ ඉෂා, අතුරුදන් වූවන්ගේ එකමුතුවෙ රැස්වීමට ගියාම ඒක ගැන කියැවුනු කතා වගේම, මටත් මතක් වෙනවා මාත් අතුරුදන් වූවන්ගේ කාර්යාලයට සම්බන්ධව සහ ඒ තොරතුරු වලට යම් දායකත්වයක් දුන්න කියල. උතුරේ - දකුණේ 2ම එහෙම ඒව තිබුනා.

● මම දන්න සහ දැනන් හිටිය හමුදා නිලධාරින් බොහෝමයක් ඉන්නවා. සමහරු ඥාතින්, සමහරු ඥාතින්ටවත් වඩා හිතවත් වෙච්ච අය. ඒ හැමෝම වගේ බොහොම ගෞරවනීය චරිත. ඒවගේම එයින් සමහර අය හිටියා බොහෝම මානුෂියයි හැම කෙනෙක්ටම... මේ කතාවෙ කියැවෙන විදියට අමුතු ගති තියෙන අයද කියලත් මට හිතුනා හරියට කොළඹ කතාවෙ භික්ෂු පරිච්ඡේදයෙ කියැවුනු හාමුදුරුවරු මට මුණගැහුනු බොහෝමයක් හාමුදුරුවරුන්ට වඩා වෙනස් කියල හිතුන වගේ..

● කොහොම හරි මේ කතාවෙ ප්‍රේමය විශේෂයි. ඒක තමයි මට කතාව කියවන්න හේතු උනු කාරණාව. ඒත් පොත ගන්න නොහිතුනෙ, අර කියන දැඩිව දැනුනු - රිදුනු රට සම්බන්ධව තිබ්බ කාරණායි. එනිසා කොහොම හරි කියවලම ඉවර කලා.

● කතාවෙ ගලා යාම, ඉදිරිපත් කිරීම, ප්‍රේමයේ අත්දැකීම වගේ කාරණා හැම එකම ඇත්තටම විශේෂයි. අවසානයත් බොහොම හොදයි.

- එක තැනක තියෙනවා, අර නාවික හමුදා නිලධාරියා ආරක්ෂාවට නාවික හමුදා සෙබලු කීපයක් අරගෙනම ඇවිත් තිබ්බ කියල. එතන මට තියෙන අවු, ඉෂාට වඩා අවු 10ක් වැඩිමල් නම් අවු 35 වගේ වයසක. ඒකියන්නෙ බොහෝවිට උපරිම ඉන්නෙ, කමාන්ඩ හෝ ලුතිනන් කමාන්ඩ රෑන්ක් එකේ. කැප්ටන් රෑන්ක් එකට එනකම්, වෙනම සෙබළු ආරක්ෂාවට ලැබෙන්නෙ නෑ කියල මට මතකයි..

ඒ ඇර අනික් හැමදේම දැනුනා - වැදුනා හොදටම...




#උපුල්ශාන්තසන්නස්ගල #කොළපාටඇස් #උපුල්සන්නස්ගල #srilankabookreaders#upulsannasgala #upulshanthasannasgala #royalthaprobanian #maydecemeberromance #bookssl 

Friday, September 18, 2020

 පහුගිය දින කීපයේ ගාල්ල පැත්තට අදාලව, විශේෂයෙන් බෙන්තර ඇල්පිටියත්, ඇල්පිටියට මූලික පැති වලත් ටිකක් ඇවිදින්න ලැබුනා. අපේ පැති වල අපේ අය එක්ක කතා කරන්නත් පුලුවන් උනා..

● විශේෂයෙන් පරණ එක්සත් ජාතික පාක්ෂිකයන් එක්ක කතා කලා. ඔවුන්ට 90 ගණන් වල ඉදන් වෙච්ච අසාධාරණයට දෙවතාවක් ආණ්ඩු තිබිලත්, ඇත්තටම වෙච්ච දෙයක් නෑ. රස්සා ඇතුළු වරදාන වරප්‍රසාද නෙමෙයි, අඩු තරමින් අදාල දේශපාලන බලය තිබුනු අය මුණගැහිලා, මනුස්සකමට හිනා වෙන එකවත් හරියට උනානම් කියල හිතුන.

ඇත්තටම වේදනාත්මක අත්දැකීමක් ඒක. 

● දේශපාලනය කියන්නෙ මිනිස්සු එකක් කරන එකක්, එතකොට අනවශ්‍ය මහන්තත්තකම්, උද්ධච්ඡකම් ඇති උනාම බලය - තනතුරු එක්ක, බලය අරන් දෙන්න වැඩ කරපු මිනිස්සු පත් වෙන්නෙ අසරණ තැනකට..

ඒක අපේ පැති වල විශේෂයෙන්ම පහුගිය කාලේ වෙලා තිබ්බ දෙයක්..

● බලය එක්ක, ඉදිමෙන දේශපාලන අධිකාරියට ඒක බැලන්ස් කරන්න තිබ්බෙ වටේ ඉන්න සහ තනතුරු දෙන අය එක්කයි. ඒත් හොයල බලද්දි, තනතුරු ලැබුනු අතිබහුතරය වැඩක් කරගන්න බැරි චරිත. ටයි එක දාගෙන ඉන්න පුලුවන් උනාට මහජන සේවයකට නුසුදුසු චරිත. එයිනුත් සමහරු අඩු තරමින් පලාතෙවත් නෙමෙයි, සමහරු වෙන පක්ෂ වලට වැඩ කරල( සමහරුන්ට මූල්‍ය චෝදනා තිබුන, පක්ෂෙට පිටින් වැඩ කරපු බවට චෝදනා තිබ්බ).

ගම් වල දේශපාලනයෙදි වෙන පලාත් වල මිනිසුන්ට තනතුරු දීලා, ගමේ මනුස්සයා වැඩක් කරගන්න ආවාම එයාව අදුනන්නේ නෑ. එතකොට ගමේ මනුස්සය යන්නෙ දැඩි කලකිරීමකින්. ඒවගෙ සිද්ධි බොහෝමයි.

බලේ එක්ක, මොලේ ඉදිමුනාම තමන් ගාවට ඇවිල්ලා 2කට 3ට නැවිලා වන්දි බට්ටය - සට්ටඹියා වගේ චරිත වලට තනතුරු දීලා අන්තිමට වෙන්නෙ තමන්ගෙ තත්වය පහත් වෙන එකයි.

- අවු 20ක් විතර දේශපාලනය කරපු අපිටත්, පලාතෙවත් නොවෙන, තනතුරු දරපු අයගෙන් උදව් ගන්න උනා අපෙ පැති වල මනුස්සයෙක්ට උදව්වක් කරන්න, පොදු කටයුත්තකට සහයෝගය ගන්න වගේ දේවලටත්.. 

ඒව තේරුම් ගන්න තරමක මොලයකුත් ඕන ඉතින්.. 

● බෙන්තර ඇල්පිටිය ආසනය ගත්තාම ඡන්ද 60,000ක විතර ආසනයක්. 

එයින් පහුගිය ඡන්දෙදි සමස්තය ( එජාප + සමගි ) ලැබෙන්නෙ 11,000ක වගේ ගානක්. 

මනාප ගණන් කරද්දි තත්වෙ තවත් වෙනස්..

● යහපාලන ආණ්ඩුව කාලෙ විවිධ අවස්ථා වලදි ඇමතිවරු මුණගැහුනම හිතිල තිබුනා, එයාල හිතාගෙන හිටියෙ ඒ බලය කවදාවත් නැති වෙන්නෙ නෑ කියන මානසිකත්වයේ කියල. එතකොට අර ගමේ අහිංසක මනුස්සයට වෙන්නෙ ලොකුකම් බල බල ඉන්න තමයි පලාතෙවත් නොවෙන, වෙනම මනුස්සයෙක්ගෙන්..

අන්තිමට ඒවයෙ ප්‍රතිඵල තමයි දැන් රස්සා දීලත්, අදාල දේශපාලන අධිකාරියට මිනිස්සු කියන්නෙ. 

එහෙම තත්වෙකට වැටෙන්න දේශපාලනේ කරනව කියන්නේ අන්තිම අසමත්....

● ඒකෙ ප්‍රතිඵලය දිගින් දිගටම පාක්ෂිකයන්ට - හිතවතුන්ට සලකපු පොහොට්ටුව විශාල බලයක් ලැබීම. 

#එජාපය #ගාල්ල #බෙන්තර #බෙන්තරඇල්පිටිය #ඇල්පිටිය #දේශපාලනය #ලංකාව

#unp #galle #bentara #bentaraelpitiya #elpitiya #politics #lanka #srilanka #lka