Tweets by @Tweetsbysuku myblog

Facebook Fan Page

Thursday, September 12, 2019

Video Leak

අපේ රටේ හරිහමන් ලිංගික අධ්‍යාපනයක් නැත. දෙමාපියන් - වැඩිහිටියන් බොහෝමයක් ඒ ගැන කතා කරන්නටත් බය වෙති.
හැබැයි ලිංගික කටයුතු නිසා දරුවන් නොහැදෙනවාද ? ඒක වෙනවාය..

- ඉස්කෝලෙදිද ඕවා හරියට උගන්වන්නේ නැත.
අපි උසස් පෙල කරන කාලයේ අපේ ජීව විද්‍යා ගුරුතුමිය අපට “ ප්‍රජනනය“ පාඩම ඉගැන්වූයේ නැත. එහෙව් රටකි මෙය !!!

- එහෙම රටක, ලිංගික අසහනය විශේෂයෙන් තිබෙන දෙයකි.

- මනුස්සයන් විදියට හිතනකොට ඕන කෙනෙකුට ඕන කෙනෙක් එක්ක ඕන දෙයක් කරගන්නට අයිතියක් තියෙනවා විය යුතුය. නමුත් වයස 18ට අඩු නම් නීතියට අනුව වරදකි..
ඔතන මූලික ගැටළුව, ඒවා වීඩියෝ කිරීමය.. ඉන්පසුව රටටම කොයි කාලෙක හෝ මේක ආවාට පසුව විවිධාකාර නොසිතූ අපහසුතා වලට මුහුන දීමට සිදු වීමයි..

- කාට උනත් වරදින්නට පුලුවන්ය.. නොවැරදී හරි ගිය මිනිසුන් ලෝකයේ නැත.

“ ලෙඩක් හැදුනාම, ලෙඩේට බෙහෙත් නොසොයා, ලෙඩා මරණ ක්‍රමය අපි දැන්වත් නතර කල යුතුමය... “

- Thivantha Harischandra 


වල්පොල රාහුල පදනමේදී අද Galkande Dhammananda හිමියන් මුණගැහුනා. උන්වහන්සේ කැළණිය විශ්ව විද්‍යාලයේ ඉතිහාස අධ්‍යයන අංශයේ අංශ ප්‍රධානීද වනවා.

● උන්වහන්සේ සමග රටට වැදගත් සහ තත්වයන් ගැන බොහෝ කරුණු කාරණා සාකච්ඡා කරන්නට හැකියාව ලැබුනා. විශේෂයෙන් භික්ෂුන්වහන්සේගේ කාර්යභාරය ගැන මට අවබෝධයක් ලැබුනා. ඒවගේම භික්ෂූන්වහන්සේ කෙනෙක් කියන්නෙ ඉතාම දැන උගත්, බුද්ධිමත් කෙනෙක් වීමේ වැදගත්කමත් රටටත් අදාලව තේරුම් ගියා..

- රට තුල දේශපාලන අරමුණු මූලික කරගනිමින් පවතින ජාතිවාදයත් ඒ හා බැදුනු කාරණා ගැනත් මම හිතේ තියාගෙන ඇහුවත්, උන්වහන්සේ ඒවාට පිලිතුරු දුන්නේ ඒ අර්ථයන්ගෙන් නෙමෙයි. අපේ හිතේ තියෙන දේශපාලනමය අදහස් වලට විරුද්ධව හෝ පක්ෂව උන්වහන්සේ අදහස් දැක්වූයේ නෑ. භික්ෂූන්වහන්සේ නමකගේ ඉතාම වැදගත් දෙයක් විදියට මම ඒක හිතනවා.

- විශේෂයෙන් ජානමය පදනමත්, ජාතිකවාදයන්, ජාතිවාදයන් කියන කාරණා ගැනත් බොහෝම නිදහස්ව වගේම සහනශීලිව උන්වහන්සේ අදහස් පල කලා. ඒවගේම වැදගත් දෙයක් විදියට, අපේ උතුරේ සහ ලංකාවේ දෙමල බොහෝම අය, ඉන්දියාවේ දෙමල අයට වඩා සිංහල අයට ජාන විද්‍යාත්මකව ලං වී ඇති බවත්, ලංකාවේ සිංහල අය, උතුරු ඉන්දියාවට නොව දකුණු ඉන්දියාවට වැඩි සබදතාවයක් ඇති බවත් විශ්ව විද්‍යාලයක කල පරීක්ෂණයක ප්‍රතිඵල විදියට නිකුත්ව ඇති බවත් උන්වහන්සේ වදාලා.

● රට ජාතිය වෙනුවෙන්, විශේෂයෙන් හොද රටක් අපේ රටේ ඉන්න හැමෝටම ඇති කරන්නට, භික්ෂූන්වහන්සේගේ ඉතිහාසගත කාර්ය විය යුත්තේ දේශපාලන අතකොලු නොවී බුදුන්වහන්සේ වදාල ගමනේ යමින් කියල මට ආයෙත් තේරුනා - හිතුනා... හ්ම්...

තවද, නිදහස් අධ්‍යාපනය ලංකාවට ලබාදීමේදී කන්නන්ගර මහතා විසින් කරනු ලැබූ යෝජනාව වසර 3ක් දක්වා සභාවේ කතා නොවුනු බවත්, එවකට විද්‍යාලංකාර පිරිවෙන මූලිකව රට පුරා ඒ වෙනුවෙන් ජන මතයක් ඇති කල බවත් ඒ අනුව වැදගත් වන්නේ ඒ අනුව සිතීම සහ කටයුතු කිරීම බවත් පැහැදිලි උනා..

#tshsep2019

Friday, September 6, 2019

පරණ මතකයන්.. ආයෙත් මතක් කල ගීතයක්...

                                       
වෙරළ කොනක හිඳ බලා හිඳින්නෙමි...
ඔබ එන මග මා පවන් සැලී...
පෙර දිනයක අප හමු වූ තැන හිඳ...
වෙන්වන්නට මුණගැසෙමු යළි ...//

වෙරලේ හැපෙනා දළ රළ අතරේ..
මුමුණයි හෙමිහිට අපේ කථා...
රැල්ලට නොපෙනී වෙනතක ගිය මුත්,
සුදු වැලි මුමුණයි අපේ කතා...

ඔබ හා දොඩනට ගත සිත ශක්තිය...
නැති ලෙස හදවත හඬා වැටේ...
එනමුදු අප පෙම් කතාව නිම වී...
සමුගන්නම් අද තරහ නොවී.....

-
නැසී ගිය ගායක - ප්‍රින්ස් උදය ප්‍රියන්ත මුල් ගායනය...

#weralakonakahida #princeudayapriyantha #lka



Wednesday, September 4, 2019

“ අපිරිසිදු බඳුනකට දිගටම පිරිසිදු වතුර වත් කරන්න. එවිට එම ජල බඳුන පිරිසිදු වේවි “ - බුදුන්වහන්සේ

දැන් Trend එක රට හදන, වැරදි කරන අයගේ වැරදි පෙන්වන එක !

● එහෙම ඒවා වෝල් එකේ, කවි - සිංදු - කතා හැමදේම තියෙනවා දැන්. රට හදන කතා කියන්නයි, රට කරවන අයට බණින්නයි නම් බොහෝම අය ඉන්නවා. හැබැයි ඒ අතිබහුතරය ඇත්තටම ඒ අදහස් තමන්ට අනුගත කරගන්නවාද කියන එක ප්‍රශ්නයක්...
එහෙම කියවන සමහර අය තමන්ට උවමනාවක් ආවාම, දේශපාලන උදව් ගන්න උත්සහ කරන අවස්ථා ඕන තරම් අත්දැකීමෙන් අපි දන්නවා. හැබැයි වෝල් එකේ එක දිගට දේශපාලකයන්ට බණිනවා, හරියට තමන් හරි දේ විතරක්ම කරන පරමාදර්ශී චරිත වගේ....
( ඒ අයගේ බොරු මවාපෑමයි, ඇත්තයි අතර වෙනස හිතද්දි, ඊට වඩා හොදයි දේශපාලකයන්ට කඩේ යන අය කියල හිතෙනවා)

● තව සමහර අය system එක වෙනස් කරන්න කතා කරනවා. ඒ සම්බන්ධව project කරනවා. ඒවට එයාලට හොදට ගෙවීමුත් ලැබෙනවා. හැබැයි පටන්ගන්නෙම මේක හරියාවිද දන්නෙ නෑ කියන වචන වලින්. අපි ජරාජීර්ණ වෙච්ච පක්ෂ දේශපාලනය තුල උනත් වැඩ කරන්නෙ රටට හොදක් කරන්න පුලුවන් සහ හරියනවා කියන අදහසේ ඉදන්. ඉතින් තේරෙනවා අර විදියට කරන එක රට ගැන නෙමෙයි, ලැබෙන ගාන අනුව කරන දෙයක් කියල..

● විදේශගතව ඉන්න ගොඩක් අය ඉන්නවා. එයාලට ලංකාවෙ ඉද්දිට වඩා රට ගැන ඇත්ත හැඟීමක් කැක්කුමක් දැන් තියෙනවා. ඒක දැනෙනවා. ඉතින් එයාල ඒ වෙනුවෙන් විවිධාකාර වැඩ කරනවා. හැබැයි එයාලට රට ගැන ලැබෙන තොරතුරු එක්කෝ වෙබ් අඩවි වලින් විතරක් ලැබෙනවා. නැත්නම් අදුනන යම් පිරිසක් විතරක් කියනව. එනිසාම හරිම දේ ලැබෙන්නෙ නෑ. ඉතින් හිතාගෙන ඉන්න දේයි, ඇත්තයි අතර වෙනස රට දියුණු කරන්න බාධාවක් වෙනවා.

● ඔය හැමදේම අතර, යුද්ධය අවසන් කිරීම මහින්ද රාජපක්ෂ මහතා කිරීමත්, ස්වාධීන කොමිෂන් සභා, තොරතුරු පනත, මාධ්‍ය නිදහස වගේ ඒවයෙදි මෛත්‍රීපාල සිරිසේන මහත්තයත්, ඊලගට රට ඉදිරියට ගෙනියන එක ඊලග ජනාධිපතිවරයා කරාවිය අදට වඩා හොද කාලයක් 2025දී රටටම තියේවිය කියල හිතාගෙන මාත් ඉන්නවා..

#lka #tshaug2019 #srilanka #slpoltics #slppl

Thursday, August 29, 2019

අපේකම් අපෙන් ඉවත් කරන්නට කල කී දෑ....

* වීර කැප්පෙටිපොල නිලමේතුමා හිසදුන් ස්ථානයේ බෝගම්බර හිර ගෙදර... එදා තිබුනු වැව වහලම දමා ඇත. අද ඇත්තෙ වෙන වැවකි.

* මුල්ලේරියාවෙදි ආසියාවෙ පෘතුගිසින් ලද දරුණුතම පරාජය.... (1562) එයට බියවුනු පෘතුගිසින් හා ඉංග්‍රිසින්..... පිස්සන් කොටුවක් නියම වචනයෙන් කියනව නම්, මානසික රෝහලක් ඇති කලා... ඒතුලින් අංගොඩ මුල්ලේරියාව කියද්දි වීරත්වය, ආඩම්බරය නැති කරලා ලැජ්ජ හිතෙන අසරණකමක් දැනෙන මානසිකත්වයක් ඇති කලා....

* කොළකැඳ ඉතා ගුණදායක ආහාරයකි...
නමුත් අද කෙනෙක් කම්මැලිකමින් සිටියොත් අහන්නෙ කැඳ බීලද කියලයි....
(මා අංගම්පොර මාස්ටර් කෙනෙකුගෙ ගෙදර සිටිනා කාලයේදි එහේ ලොකු අක්කා ආයුර්වේද දොස්තර නෝනෙක් නිසා අපිට කෑම බීම ගුණදායක දේවල් පමණක් ලැබුනා, එහිදි මස් මාළු අඩුවෙන් අපිට ලැබුනු අතර, නිතරම කැඳ බොන්න ලැබුන මතකයි... ඒ මාස 1 හමාර තුල හැම අතින්ම දියුණු වූ බවක් දැනුනා, විශේෂයෙන් මානසික සැහැල්ලුවත්, මානසික ඒකාග්‍රතාවත් වැඩි උනා)

මේව කරලා වර්ගවාදය, ජාතිවාදය අපි තුල ඇති කරල සුද්දන්, වෙනත් අය කටයුතු කලේ අපිව හැමදාම එයාලගේ පයින් පාගගෙන එයාලට අපිව සූරා කාලා වැජඹෙන්නයි... ඒක යුද්ධ නොකර බුද්ධියෙන් වෙනස් කරගන්නවද නැද්ද කියල තීරණය කරන්න ඕන අපිම තමයි....
{යම් උදාහරණ ගතෑකි, ඉන්දියාව, චීනය, වියට්නාමය, කියුබාව වගේ රටවල් වලින්(අපිට අදාල නෑ ඒවා ඒව කරන්නෙ එයාල එයාලගෙ විදියට නිසා, අර රටවල් කිව්වෙ සමාජවාදය ගැන එහෙම නෙමෙයි) }

#යථාර්ථවාදීජනතාවාදියා #srilanka 

Monday, August 26, 2019

Galkande Dhammananda හාමුදුරුවන්ගෙ ධර්ම දේශනයක් ඊයෙ බත්තරමුල්ල පූර්වාරාමය පන්සලේදී ඇහුවා..

උන්වහන්සේගෙ කතාවෙ තිබුනේ, “ තුවාල වීම සහ තුවාල වීම් වලින් සුවපත් වීමත්, අනිත් අයව - රටත් සුවපත් කිරීමත් ගැන“
ඒකෙ පදනම වැටිලා තිබුනේ “මෛත්‍රිය“ ගැන..

අපි හැමෝම වගේ කොයිම විදියකින් හරි තුවාල වෙච්ච අය. කායිකව වෙන තුවාල වලට වඩා මානසිකව වෙන තුවාල බොහෝම වේදනාකාරීයි වගේම පීඩාදෙන සුළුයි.

● පහුගිය වසර 30ක යුද්ධෙත් ඊට කලින් අවස්ථා ගණනාවකදීත් යුදමය අත්දැකීම් තියෙන රටක් ජාතියක් විදියට අපි තුවාල බොහෝමයක් තියෙන අය. තුවාල වලින් සුවපත් වීම තමයි කල යුත්තේ. ඒක මෛත්‍රිය තුලින්ම කල යුත්තක්. තුවාල සුවපත් නොවුනොත්, ඒක ඊලග පරම්පරාවටත් ගිහිල්ලා ආයෙත් ඒව මතු වෙනවා.
- ඒකෙ ප්‍රතිඵලය තමයි රට පස්සට යන එක.... 🇱🇰

● බුද්ධ දේශනාවේ කියවෙන්නෙ “ සබ්බේ සත්ථා “ කියල. ඒකියන්නෙ ජිවත් වන සෑම සත්වයෙක්ටම අදාලවයි අපි මෛත්‍රී කරන්න ඕන. මෛත්‍රිය කල යුත්තේ, “ මාතායථා නියං පුත්තා ආයුසා ඒක පුත්තමනු රක්ඛේ “ කියල කරණීයමෙත්ත සූත්‍රෙය් කියවෙන විදියට, මවක් තම එකම දරුවා රකින්නේ යම් ආකාරයෙන්ද ඒ ආකාරයට මෛත්‍රිය වැඩිය යුතුයි කියල.

● වතාවක් උන්වහන්සේ කිලිනොච්චියට වැඩි ගමනකදී, බෞද්ධයන් නැති පලාතක බුදු පිළිමයක් වඩම්මලා තියෙනව දැකල තියෙනවා. බෞද්ධයන් නැති තැනක එසේ කිරීම බලය ප්‍රකාශ කිරීමක් බවත් එනිසාම ඉවත් කල යුතු බවත් උන්වහන්සේ කල්පනා කරල තියෙනවා. නමුත් ඒ ප්‍රදේශයේම තරුණියක් වෙච්ච Rathikutty ( රාධිකා) කියල තියෙනවා අපි මෙතන හින්දු දෙවියන්ගේ පිලිමත්, ක්‍රිස්තුත් වහන්සේගේ පිලිමත් තියමු කියල. එතකොට ආගම් වල ශාස්තූවරුන් සිටිනවා එකට, අපිටත් සහජීවනයෙන් ජිවත් වෙන්න පුලුවන් කියල මිනිස්සු හිතයි කියල ඇය කියල තියෙනවා..

- ටිකක් අමතකවේගෙන ආව මෛත්‍රී භාවනාව ආයෙ මතක් උනා ඒ කරුණු එක්ක. ඒවගේම ගිය අවුරුද්දෙ කඨින කාලයේ අපෙ කුසලානන්ද හාමුදුරුවන්ගෙන් මෛත්‍රී භාවනාව ප්‍රගුණ කිරීම ජිවිතේට සෑහෙන්න හොදක් කරන්නට හේතු උන බවත් මතක් උනා.... හ්ම්..

#tshaug2019 #maithreeya 

Tuesday, June 4, 2019

“පව“ - “පින“ කියල 2ක් තියෙනව.

( ඉන්ද්‍රීය පරෝපරියත්තය ඥානය - බුදුන්වහන්සේට🙏 විතරක් තිබුනු දෙයක් කියල බණ පොතේ තියෙනව. පෙර පින - පව ගැන දැනගැනීම)

⭕ සම්බුද්ධ ශාසනයේ අගසව් ඍධිමතුන් අතර අග්‍ර වූ, මුගලන් මහරහතන් වහන්සේ සොරුන්ගෙන් පහර කෑමට ලක්වීම. පසුව පරිනිර්වාණය. 
- මේක දම්සභා මණ්ඩපයේ ලොකු කැළඹීමක් සහිතව බුදුන්වහන්සේට කියනවා රජුට කියන්න, හොරුන් අල්ලා දඩුවම් කරන්න කියල. මේ වෙච්ච දේ බුද්ධ ශාසනයට මහ හානියක්, කලේ මහා අසාධාරණයක්, මහා පවක්. හොරුන් අතින් පහර කාලා පිරිනිවන් පෑවා, ඍධිමතුන් අතර අග්‍ර වෙච්ච හාමුදුරුවෝ කියල.
බුදුන්වහන්සේ වදාරනවා, ආත්මගත සිද්ධියකදී මව පියාට අඩන්තේට්ටම් කල අකුසලයෙන් මෙහෙම උනා. වෙච්ච දේ වෙන්න තිබුනු කර්ම ඵල විපාකයක් බව.

⭕ කොසොල් රජතුමාගෙ සංතති සෙනෙවියෙක් විශාල යුද්ධයක් දිනනවා. 
* සතුටට රජතුමා දවස් 7කට රජකම දෙනව. අන්තංපුරයේ හිටිය නැටුමට දක්ෂ බිසවකුත් දුන්නා.
රජකම අරගෙන බොනවා. උදේ ඉදලා බීලා නටනවා, නටවනවා. නැටුමට දක්ෂ බිසවත්, අනිත් අයත් නටවනවා.
6 වෙනි දවසෙදි, ඇතා පිට යනවා, බුදුන්වහන්සේ වඩිනකොට සංතති ඇමති ඇතා පිට ආඩම්බරයෙන් යනවා. අඩුතරමින් බුදුන්වහන්සේට ගරු කරන්නෙවත් නෑ.
- බුදුහිමියන් ආනන්ද හාමුදුරුවන්ට කියනවා, “ ආනන්ද සංතති ඇමති හෙට රහත් වෙනවා“.
- රජ උෂ්ණයෙන් ඇවිල්ලා මාලිගාවට, නටන්න දක්ෂ බිසවට නටන්න කිව්වා. දවස් ගානක් නටල මහන්සියෙන් හිටිය බිසව, නටල නටල ඇදගෙන වැටිලා මැරිලා වැටුනා.

සතියක් කරපු පිස්සු වැඩ මතක් වෙලා හිතද්දි බුදු හාමුදුරුවන්ව මතක් උනා. ඇවිල්ලා, බණ අහල රහත් උනා. ඒක අපිට පිටින් පේන්නෙ නෑ.

● ඒවගේ තමයි මහින්ද මහත්තයත් පිනට - කැපවීමට ජනාධිපති උනා. මෛත්‍රීපාල මහත්තයත් ජනාධිපති උනා. 
ඒක උනාට පස්සෙ තණ්හාවෙන්, මෝඩකමෙන් වැරදි කරගත්තාම පිනත් ඉවරයි, ආශිර්වාදත් ඉවරයි. 
ඊටපස්සෙ එක එක දේවල් කලත්, යන්ත්‍ර මන්ත්‍ර - බලි තොවිල්, එක විකාර දැම්මට, හදවගත්තට කරාට හරියන්නෙ නෑ. 😳

පින - පව හරියට තේරුම් ගන්නව නම්, පංච සීලයවත් හරියට රකිනවා.. 
අද බලය - සැප - ධනය වෙනුවෙන් කරන ඇත්තටම පිස්සු වැඩ නිසා, සංසාරේ අප්‍රමාණ දුක් විදිනවා..

හැබැයි වැඩේ තියෙන්නෙ, ලංකාවෙ බහුතර මිනිස්සුන්ට එහෙම අයව පේන්නෙ වෙන විදියකට. කවුරුහරි ධර්මානුකූලව ඉන්න බලනව නම්, එහෙම අයව මානසික රෝගීන් වගේ පේනවා. ඉතින් තවත් පව් හදාගෙන එයාල තව කරදරේ වැටෙනවා - ආයෙත් වැරදි අයවම පත් කරන්න බලනවා... 🤣

#junetsh2019

Saturday, May 25, 2019

පාර්ලිමේන්තුවට බෝම්බ ගැසීම,

                                      
රටේ සෑහෙන මතයක් තියෙනවා, සමාජ මාධ්‍ය වල විතරක් නෙමෙයි, මහ පාරෙදිත්, පාර්ලිමේන්තුවට බෝම්බ ගහන්න ඕන. 225 එතනදි මැරෙන්න ඕන කියල.

- ඒක දේශපාලකයෝ ඇති කරගත්ත තත්වයක්. ඒ තරමට එපා කෙරෙව්වා.

හැබැයි එදා සහ අද බැලුවොත් සාපේක්ෂව කරන වැරදි, සිදුවෙන වැරදි අඩුවෙන් වෙන බව දන්නවා.
- අද තියෙන වෙනස වෙනදට වඩා මාධ්‍ය වලින්, විවිධ ක්‍රම වලින් ගැටළුවක් ආවොත් එලියට එන එකයි. ඒක රටක් විදියට හොද තත්වයක්. ඒවගේම දේශපාලනික අරමුණු වලින් යන හිරු සහ දෙරණ වගේ මාධ්‍ය ආයතන බොහෝම සූක්ෂමව ඒ කටයුත්ත කරනවා. එයාල ඒක එයාලගෙ ටෙලි නාට්‍ය වලින් පවා කරගෙන යනව..

- කොහොම උනත් කාරණා 2යි ඔය මතය ගැන මට හිතෙන්නෙ..

● 225 මැරුනොත් රටට හරියාවිද ?
- ඊටපස්සෙ දැන් තියෙන නීති හැටියට බලයට එන, පලාත් සභා, ප්‍රාෙද්ශීය සභා අය, ඒ 225ට වඩා හොදද ?

● 225ට අමතරව, පාර්ලිමේන්තුවේ අවම 3000-3500ක පිරිසක් ඉන්නවා. ත්‍රිවිධ හමුදා - පොලිසිය ඇතුළුව..
‍‍බෝම්බ ගහල ඒ අනිත් අයවත් මරන්නයි කතාව නේද ???

අන්තවාදි ත්‍රස්තවාදී මුස්ලිම් අයගෙ උවමනාව උනේ, බෝම්බ පිපිරීම තුල රට අස්ථාවර කරලා, ඒ තුල ජාතිවාදයක් ඇති කරලා එයාලට වාසිදායක තත්වයක් රටේ ඇති කරගන්න. ඒකට හේතුව, ISIS යෙමනන්, ඉරාකය, සිරියාව වගේ රට වලින් සම්පූර්ණම වගේ අයින් වෙලා තියෙනවා. ඒ රට වල ISIS ට විරුද්ධව ඉදිරියෙන්ම සටන් කරන්නෙත් මුස්ලිම් සෙබළු තමා.

- ප්‍රභාකරන්ටත් 1983 වෙනකම්, හමුදාවේ 13ක් මරනකම් බැරි උනා තමන්ට තත්වයක් තියෙනව කියල පෙන්වන්න. දේශපාලන උවමනාවන් මත ගොඩනැගුනු කළු ජූලිය තුල, කොටි ත්‍රස්තවාදින් ලෝකෙම වැදගත් අය උනා. දෙමල මිනිස්සු 3000ක් විතර ඝාතනය උනා. ඒක ලෝකෙ හැමතැනම ගියා. හැබැයි 10,000කට වඩා වැඩි දෙමල මිනිස්සු පිරිසක් සිංහල මිනිස්සුම රැකගත්ත බව ප්‍රසිද්ධ උනේ නෑ. ( සංගක්කාරගේ කොවුඩ්රි දේශනය).

- ලංකාවේ, ISIS ට ඕන දේ උනේ නෑ. ඇතිවෙච්ච කලබලයත් දේශපාලන දෙයක්, රටේ අවුල් ඇති උනාම වාසි කාටද කියල හිතුව නම් ඒක පිටිපස්සෙ ඉන්න අයව තේරුම් ගතෑකි.

දන්න ඒව අනුව ආයෙ ඔය වගේ දේවල් වෙන්නෙ නෑ. ආරක්ෂක අංශ ඒවට අදාල දේවල් කරල තියෙනව.

#යථාර්ථවාදිජනතාවාදියා #maytsh2019

Friday, May 3, 2019

වැරදි මෝඩ මත

පහුගිය දවසක, බණ පොත් එහෙම කියවන ආන්ටි කෙනෙක් කියනවා, ආන්ටි යන සුප්‍රසිද්ධ අසපුවක ලොකු හාමුදුරුවෝ කිව්වලු, ඉපදුනු හැටියෙ ගෑණු දරුවෙක්ව උනත් අල්ලන එක හාමුදුරුවරුන්ට හොද නෑ කියල. ඒක බුදු හාමුදුරුවො කියපු විදියටයි කිව්වෙ.

මම ඇහුවා ඇයි ගෑණු දරුවො මනුස්ස නෙමෙයිද කියල ?
●  “ සබ්බේ සත්ථා “ කියල බුදු හාමුදුරුවෝ දේශනා කලේ - සියලු සත්වයෝ එතනදි මිනිස්සු විතරක් නෙමෙයි තිරිසන් සතුනුත් අදාලයිනෙ කියල.

ඒපාර කිව්වා, ආනන්ද හාමුදුරුවන්ට බුදු හාමුදුරුවො එහෙම කිව්වලු.
● මම කිව්වා මම දන්න විදියට නම්, බුදු හාමුදුරුවො එහෙම කියල නෑ. කාන්තාවන් තමන්ගෙ සහෝදරියන් විදියට හිතන්න කියලයි උපදෙස් දුන්නෙ කියල..

⭕ කොහොම හරි ඕකෙන් එලියට ආවෙ, සමාජය තුල තියෙන, හදාගත්ත මෝඩ අදහස්. ඒව සෑහෙන්න සමාජයේ තියෙනව. සර්වඥ ධාතු මන්දිර වලට කාන්තාවන්ට යන්න බැහැ. අසනීප වෙන දවස් වලට දේවාල වලටත් යන්න බැහැ.

● දෙවිවරු නැති, භූතයෝ - ප්‍රේතයෝ වගේ පහත් අමනුෂ්‍ය කොටස් අරක්ගත්ත දේවාල වලට ගියොත් නම් යම් බලපෑමක් ඒ වගේ ආත්ම භව වලට දැනෙන්න පුලුවන්.
හැබැයි අධ්‍යාත්මිකත්වය සහිත මනුස්සකම මූලික කරගත්ත බුදු දහම විශ්වාස කරන අයට නම් ඔය වගේ වැරදි මත වල ඉන්න බැහැ.
බුදු හාමුදුරුවෝ දේශනා කරල තියෙන්නෙ, “ හිස ගිනිගත්ත කෙනෙක් ඒ ගින්න නිවා ගන්නවා වගේ, නිවන වෙනුවෙන් කැප වෙන්න කියල“.
- ඉතින් ඔය එක එක මනස්ගාත එක්ක අප්‍රමාදී වෙන්න බැහැනේ ???

⭕ ශ්‍රී මහා බෝධිය වඩම්මගෙන එන්නෙ, සංඝමිත්තා තෙරණිය. වම් දන්ත ධාතුව මාස ගානක්, ජිවිත තර්ජන එක්ක තමන්ගෙ කොණ්ඩේ තියාගෙන ආරක්ෂා කරගෙන වඩම්මගෙන එන්නෙ හේමමාලා කුමරිය..
 කිලි නැති පිරිමි නෙමෙයි ඒව කලේ....
( ඒ ටික කිව්ව නම් එක්කෝ ඒ ආන්ටිට කල්පනා කරල තේරුම් ගන්න ලැබේවි, නැත්නම් ආයෙ කවදාවත් මා එක්ක ධර්ම කතා නොකරාවි කියල හිතුනු නිසා ඒ ටික කිව්වෙ නෑ)

#maytsh2019

Monday, April 8, 2019

“ කර්මය අභිබවා යන මහේශාක්‍ය බව “ - පූජ්‍ය කකුල්පනේ සුද්ස්සී ස්වාමීන්වහන්සේ

අල්පේශාක්‍ය පුද්ගලයාට ඉතා කුඩා අකුසල කර්මයක් කරගෙන මහා විපාක ඇති කරලා මහා දුක් ඇති කරගන්නවා. මහේශාක්‍ය පුද්ගලයාට, එබදු අකුසලයක් සිද්ධ කරගනෙ තිබුනත්, දිට්ඨධම්මවේදනීය වශයෙන් ඉතා කුඩා විපාකයක් ඇති කරලා අහෝසි වෙලා යනවා.

“ ලෝණ ඵල සූත්‍රය “

සසරේ කල පුණ්‍ය විපාක වශයෙන් කෙනෙකුට මහේශාක්‍ය බව ඇතිවෙන්න පුලුවන්. නමුත් බාහිරින් ඇතිවන්නාවූ මහේශාක්‍ය බව පමණක් කර්ම වේගය අභිබවන්නට ප්‍රමාණවත් නෑ. “ රජකම් කලත්, කලකම් පල දේ“. මානසික මහේශාක්‍ය බව අවශ්‍යයි. යමෙක් මානසිකව මහේශාක්‍ය වනවා නම් කලකම් අභිබවා යන්නට පුලුවන්.

1. කාය භාවනාව
2. ශීල භාවනාව
3. චිත්ත භාවනාව
4. පඤ්ඤා භාවනාව

Saturday, April 6, 2019

ආදරේ සුව

ආදරේ සුව සොයා යද්දි ආදරී දිව යයි...
ආදරේ සිට නතර වෙද්දි ඈ හැරි යළි එයි....
සාගරේ රළ පෙරලි පෙරලී වෙරළ සුව විමසයි...
සාගරය වෙත බැලුම් හෙලමි ...
මිරිඟු පෙම සිහිවෙයි...//

ඔබෙන් ඉල්ලූ ආදරය මට ඔබ නොදුන් හින්දා...
ඇගෙන් ලංවූ සොඳුරු සෙනෙහස මවෙත මං ගත්තා...
ඉතින් ලදුනේ මගේ වරදක්..
නැතැයි මට හැඟුනා...//

ලගින් ඉද්දී අගය නැති වී...නොවටිනා පරිදි...
දුරින් ඉද්දි අගය දැනු‍‍නේ ඔබ හටයි දුක් දී...
ඉතින් පැරදී යන්න මට බෑ...
තව වරක් ලං වී....//

#ආදරේසුව #සංගීත්විජේසුරිය #adaresuwa #sangeethwijesuriya #musicsl

Friday, April 5, 2019

The Bachelor of Art - R.K. Narayan

උපාධිධරයා - ගුණදාස යාපා ( පරිවර්ථනය )

“ මිත්‍රත්වයද ප්‍රේමය මෙන් මායාවකි. අවස්ථානුකූලව, එකට කටයුතු කරන විට, බොරු මිත්‍රත්වයක් මවා පෑම, මිනිසුන්ගේ ස්වභාවයයි. පාසල, පන්ති කාමරය, සමාජ ශාලා ආදි ස්ථාන වලදී ඇතිවන මිතුරුදම්, ස්ථානය වෙනස් වූ විට වියැකී යයි.

“ මිනිස්සු බඳින්නෙ කාමාශාව නිසා. අනෙක් කාරණේ ගෙදර දොර වැඩ බලාගන්නත් කෙනෙක් ඕන නේ. ඊට වඩා ගැඹුරු දෙයක් විවාහයේ නෑ“.

“ ආදරය යනු සිතිවිලි මාත්‍රයක් පමණි. සිඟා කෑමටත්, වංචා කිරීමටත් මා පෙළඹ වූයේ ව්‍යාජ ආදරයයි. කෙස් පැසී, මුහුණ රැළි වැටී අම්මා අකාලයේ මහලු වීමටත්, තාත්තා ගතින් සිතින් දුබල වීමටත් හේතුව වූයේ එයයි.“

#RKNarayan