කොග්ගල නිලමේ පොත..

Thanx Vishmi for this e book...
(පොත කියවා, වසර ගණනක අත්දැකීම්, සාක්ෂාත් කරගත් දේ අනුව මගේ අදහස්ය)

මේ පොතේ තියෙන කතාවට ආසන්න අත්දැකීම් ජිවිතේම තිබුනත් මේ තරම හිත ඇදෙන විදියට කතාවක් විදියට කියවන්න ලැබුනු එක ගැන සතුටුයි..
අපි දන්න ලෝකෙට වඩා නොදන්න, නොපෙනෙන ලෝකෙ සිය දහස් ගුණයකටත් වඩා දේවල් තියෙනව..

මගෙ තියෙන පොඩි දැනුමට අනුව, නොපෙනන බලවේග අමනුෂ්‍ය විශේෂයෙන් ප්‍රේත, භූත, පිසාච වගේ අයට මිනිසුන්ට යම් බලපෑමක් කරන්න පුලුවනි. ඒකටත් හේතු තියෙන්න ඕන, ඒවගේම මොන කෙනාට උනත් තමන්ගෙ කර්ම ශක්තියට අනුව මිසක් පිටින් දෙයක් කරන්න බැහැ, අනික දේව මණ්ඩලයේ අවසරය නැතිව මොකුත් කරන්න බැහැ - පොතෙත් ඒක තියෙනව.

පොතේ එක තැනක තියෙනවා, පිරිතෙන් වෙන බලපෑම අවම වෙනවලු අබෞද්ධ කෙනෙක්ට, විශ්වාසය ඇදහීම නැති නිසා..
ඒක කියන්නෙ ඒ කෙනාගෙ අදහස අනුව උනත්, ඇත්තටම පිරිතේ බලය කියන එක ලෝක ධර්මතාවයක් කාටත් දැනෙනවා.
පිරිත කියන අයගෙ සීලය, සහ අහන අයගේ සීලය, කර්ම ශක්තිය ඔතනට බලපානව තමයි, නමුත් කොයි කවුරු කිව්වත් මොන ආගමක හිටියත් පිරිතේ බලය දැනෙනවා, පිරිතේ ආරක්ෂාව කාට උනත් ලැබෙනවා. අබෞද්ධ, වෙන රටවල ඉන්න අයට පවා “බොජ්ඣංග පිරිත“ අහන්න දුන්නම ගුණ දැනිලා තියෙනව.

වරම් ගැන පොතේ කියපු දේ හරි. දෙවිවරු වරම් දෙන්නේම නැති තරම්.
දේව වරමින් ශාස්ත්‍ර කියනව කියන අයගෙන් 99.999%ක්ම කරන්නෙ තමන්ගෙ මියගිය ඥාතියෙක්ගෙ මාර්ගයෙන් කරන දෙයක් විතරයි.
* කෝටි ගානකට 1ක්ට පිරිසිදු ඥාතියෙක් හරහා දේව මණ්ඩලයෙන් නිවරදිව තොරතුරු ගන්න, ඒ හරහා විශාල සේවයක් ලබාදෙන්න පුලුවන්කම තියෙනව. නමුත් එහෙම අයව හොයාගන්න අමාරුයි. හොයාගත්තත් තමන්ට ඒකට වාසනාව නැත්නම් ඒ අයගෙන් උදව් ගන්න බැහැ- ඒකට හේතුව මුදල් නෙමෙයි, ඒ වගේ අය මුදල් ගන්නෙ නැහැ, හේතුව තමන්ට ඒකට පින නැතිවිම.

අපිට තියෙන අත්දැකීම් අනුව එක එක හදි හූනියම් ජාති සෑහෙන්න කරලම තිබුනත්, පාඩු සිද්ධ වෙලා ජිවිත හානි නොවුනේ නම් අකුසල් තිබුනත් සංසාරෙම සීලයත් ප්‍රතිපත්තියත් රැකගත්ත නිසා දේව මණ්ඩලයෙන් ලැබෙන ආශිර්වාදය නිසා කියලයි මම හිතන්නෙ..

තව දෙයක්... පින් දීමෙන් දුකට පත් වෙච්ච ඥාතින් නිදහස් කරන්න පුලුවන් උනත් ඒකත් සරල කටයුත්තක් නෙමෙයි. ඒකට ක්‍රමයක් තියෙනවා, ඒවගේම ඒ පින් අරගෙන නිදහස් වෙන්න ඒ අමනුෂ්‍යයන් කැමති වෙන්න ඕන. (එක එක තැන්වල බිලිගැනීම් වගේ දේවල් එක දිගට සිද්ධ වෙන්නෙ එහෙම තැන් වලට අකුසල් වල හේතු පාදක නිසාම පින් අරගන්න අකමැති, අමනුෂ්‍ය කොටස් කරන දේවල්. ඒවගේම ඒතැන් වලදි බිලි වෙන අයටත් ඒකට අදාල කර්ම ශක්තිය බලපානව)
ඒවගේම ඇඟට ඇතුල්වීම වගේ දේ වලට ශක්තිය ලැබෙන්නෙත් ඒ ඒ අමනුෂ්‍යයන්ගේ කර්ම ශක්තිය වගේම, තමන්ගේ කර්ම ශක්තියත් අනුව. ඊට අමතරව සංසාරෙ අපි නොදන්න කාලෙක නෑයෙක් වෙච්ච කෙනෙක්ට උනත් පින් උවමනාකමට අසරණ වෙලා ඉද්දි, අපි මේ ආත්ම භවයේ විතරක් සීයට, ආච්චිට වගේ පින් දිදි හිටියොත්, අර අයට පින් ලැබෙන්නෙ නැහැ.

* ඒනිසා මේ ආත්මයේ මතක අයව මතක් කරන ගමන් “සියලු ඥාතින්ට, සියලු දෙවියන්ට, සියලු සත්වයන්ට “ කියල පින් දෙන්න , පිනක් කරාම.
නැත්නම් අර ආත්ම වල වෛරි සහගත බැල්ම අපිට එල්ල වෙනවා, ඒකෙන් අපේ වැඩ වලට බාධාවන් වෙන්න පුලුවනි.
ඒවගේම අපිට වගේ අවුරුදු 80-100 නෙමෙයි, සමහර අය කර්ම විපාක නිසා මහා කල්ප ගණන් භූතාත්ම වල ඉන්නවා.
මරණ මොහොතේ ඇතිවෙන පොඩි අකුසල් සිතිවිල්ලකටත් මිදෙන්න බැරිව ආකාශ තලයේ අතරමං වෙලා හිර වෙලා ඉන්න ආත්ම භව කෝටි ගණන් ඉන්නවා.

* කලින් හරියට නොතේරී තිබුනු දේකුත් මේ පොතේ කතාව නිසා තේරුම් ගත්තා. පලිගන්න එන අමනුෂ්‍යයෙක් නම් කරන්නෙ අදාල කෙනාට තමන්ව පෙන්වන්න, නැත්නම් හිතේ මොකක් හරි කැලඹීමක්, බයක් ඇතිවෙන්න දෙයක් කරනවා, කළුවර වැටෙන වෙලාවක වගේ වෙලාවක.
එතකොට හිතින් තමයි ඒ බය කැළඹිල්ල ඇති කරගන්නෙ. තමන් අසාධාරණයක් කරා නම්, ඒක මතක් වෙලා ඒ අසහනය තුලින් තමයි සමහරවිට හෘදයාබාධ, ලේ නහර පිපිරීමක් උනත් වෙන්න පුලුවන්. මනස සියලුදේට මුල් වෙනව කියල කියන දේ හරි...
මේ හේතුව නිසාම තමයි මනෝ විද්‍යාව උගත් මෝඩයන් කොටසක් (එයාලට ඇහට පේන දේවලත් හරියට පේන්නෙ නැහැ), භෞතික පේන ලෝකයේ දේවල් විතරක් විශ්වාස කරගෙන, අමනුෂ්‍ය බය වගේ දේවල් භ්‍රාන්තියට සමාන කර කර උඩ පනින්නෙ.. (අපිත් මනෝ විද්‍යාව කලා, වෙලාවට එහෙම මෝඩයන්ගෙ ගණයට වැටුනෙ නෑ)

කොහොම උනත් අපි හැමෝටම නෑයො, සම්බන්ධ වෙච්ච අය ඉන්නවා හැම ජාතියෙම... බ්‍රහ්ම, දේව ඉදන් භූත, ප්‍රේත අය පවා ඉන්නව.. තනි මම කියන චරිතය උනත්...
සංසාරෙ එක්තරා කාලෙක ශක්‍ර රාජ සම්පත්තියත්, තව කාලෙක අවිචි නරකයේ වැටිලා අන්ත දුක්ඛිත තත්වයක් ඉන්න ඇති - ඒනිසා තමයි මොන ලොකුකමවත් වැඩක් නෑ කියල මට හිතෙන්නෙ හ්ම්..
මේකෙ තියෙන අනාවැකි ගැන, විශ්වාසද නැද්ද කීම කෙසේ වෙතත්, ඒවයේ පිලිගැනීමකට ලක්වෙන දේවල් තියෙනවා.

හෙළය කියල එකක් නෑ. හෙලය බිඳලා සිංහ වංශික විජය, සිංහ+හෙල = සිංහල කලා.
ඒවගේ අපි අඳින්නෙ වැඩියෙන් පිටරට අයගෙ ඒවා. අපි භාවිත කරන ඒවයේ වැඩිපුර තියෙන්නෙ විදෙස් දේවල්. ජාතියක් - රටක් විදියට අපි ගොඩක් යට ඉන්නෙ. ජ්‍යොතිෂ්‍යය වගේ පරණ දේවල් වලට වැඩි ඇලීමක්, සැලකීමකුත් නෑ, විද්‍යාව විශ්වාස කරගෙන වැඩ කලාට ඒකෙන් අපිට ඒ හැටි සෙතකුත් නෑ.
(විද්‍යාව හොඳ නම් ලංකාවෙ ආයු අපේක්ෂාව වැඩි වෙන්න, සෞඛ්‍ය තත්වය දියුණු වෙන්න එපාය)

- නමුත් ඒව කාලය එක්ක වෙන්න පුලුවන් දේවල්. එක තැන ඉන්න කිසි ජාතියකට, රටකට බැහැ. තමන්ගේ යහපත්කම, සීලය රැකගෙන හරියට ඉන්නව නම් ඒක තමයි වටින්නෙ.
හැබැයි මේ රට වෙනත් අන්තවාදි හෝ මූලධර්මවාදි හෝ කෙනෙක් යටත් කරගන්න ලැබෙන්නෙ නැහැ.
එහෙම කරපු අපේ අය කියන අයට විපාක තාම පටන් ගත්ත විතරයි..
ඒවගේම එහෙම කරපු වෙන රටවල් ඇතුලු අයට, ඒඅයගේ මූලික තැන් වලට ඉදිරියෙදි වෙන දේවල් අනුව.. බොහෝම දේවල් තේරේවි... හ්ම්...