පින් අනුමෝදන් කරන දෙවිවරුන් !

ගොඩක් අය අහනවා මොන දෙවියන්ටද පින් දෙන්න ඕන, ඔයා පින් දෙන්නෙ කාටද.... වගේ...

ඇත්තටම ඕව ගැන උනන්දුව, විශ්වාසය තිබ්බත් මම ඕව දන්නෙ නැහැ. ඉෂ්ඨ දෙවිවරු ඇතිවෙන්නෙ ගොඩක් වෙලාවට පෙර ඥාති සම්බන්ධයක් හරහා. කේන්දරේටත් කියනව.

සමහර ලොකු ලොකු අය වගේ ඉන්න අය දේවාල වලට මහා පුද පඬුරු, ලොකු පූජා වට්ටි අරගෙන ගිහින් හරි සතුටින් පින්තූරත් දානව දැකල තියෙනවා, දැන් මේ දෙවියෝ මගේ අපල දුරු කරාවි කියල..
බත් පැකට් එකට, අරක්කු බෝතලේට ඡන්දෙ දෙන මිනිස්සු තාම ඉන්න රටක... එහෙම හිතන එක සාධාරණ ඇති..
හැබැයි දෙවිවරුන්ව ඔය වගේ දේවල් වලින් රවටන්න බැහැ.
ඔය වගේ පුද සත්කාර වලට කැමති ප්‍රේත, භූත වගේ අමනුෂ්‍ය කොටස් මිසක්, දෙවිවරු නෙමෙයි.. දෙවිවරු කැමතියි අපි හරියට පිනක් කරලා අනුමෝදන් කරනව නම්..
වඩා හොඳයි පිනක් කරලා, මේ පින “සියලු දෙවියන්ට, සියලු ඥාතින්ට, සියලු සත්වයන්ට “ අනුමෝදන් වේවා කියන්න... ඒක තමයි කරන්න ඕන..

* නොදන්න සංසාරේ අම්ම තාත්ත ඉදන් ඕන තරම් ඥාතින් ඉන්න පුලුවන් පින් උවමනාවෙන් කරදර වලින් මිදෙන්න.. ඒනිසා ඒ විදියට කරන එක වටිනව..

මම පින් දෙන දෙවිවරු,

“ විස්කම් දෙව්පුත් දෙවියන්, භූමි දේවින් වහන්සේ, තාරා මෑණියන්, සුමන සමන් දෙවියන්, මැණික් කඩවර දෙවියන්, ලක්ෂ්මි දේව මෑණියන්, සත් ලක්ෂ්මී මෑණිවරු, විෂ්ණු දෙවියන්, ඊශ්වර දෙවියන්, පාර්වතී මෑණියන්, කතරගම දෙවියන්, ගණ දෙවියන්, අයියනායක බණ්ඩාර දෙවියන්, වල්ලි අම්මා මෑණියන්, සෙල්ලි අම්මා මෑණියන්, යම රජ දෙවියන්, යම දේවීන්වහන්සේ, නාග දෙවියන්, නාග දේවතාවිය, විභීෂණ දෙවියන්, නාථ දෙවියන්, දැඩිමුණ්ඩ දෙවියන්, කළුදේවතා බණ්ඩාර දෙවියන්, සිද්ධ සූනියම් දෙවියන්, සියලු කම්බිලි දේවතාවරු, සියලු කාලි මණ්ඩලය, සියලු කඩවර දෙවිවරු, රාවණ දෙවියන්, හනුමාන් දෙවියන්, දෙවොල් දෙවියන්, රන්වල මුත්තා දෙවියන්, මහසෝන් දෙවියන්, පොලව මහී කාන්තාවන්වහන්සේ, භූ මාතා දේවතාවිය, දුර්ගා මෑණියන්, උමයංගනා දේවිය, මණිමේකලා දේවින් වහන්සේ, පත්තිනි මෑණියන් වහන්සේ, නාග පත්තිනි මෑණියන්වහන්සේ- සත් පත්තිනි මෑණිවරු,
ශක්‍ර දේවේන්ද්‍රයා, සුධර්මා දේවිය, වෛජයන්තමාලා දේවිය, මාතලි දිව්‍ය පුත්‍රයා යනාදි කොට ඇති සියලු ශක්‍ර දේවයාගෙ පිරිවර, සතර වරම් දෙව්රජවරු, සතර බ්‍රහ්ම රාජයන් “ සහ සියලු දෙවියන්ට, සියලු බ්‍රහ්මයන්ට, සියලු ඥාතින්ට, සියලු සත්වයන්ට මේ පින් අත් වේවා !

( වෙනත් ආගම් වල අයට - ඔයාලත් ඔයාලගෙ දෙවිවරුන්ට පින් කරද්දි අනුමෝදන් කරන්න... හැම දෙවිවරුම හරියට කරන පිනකින් පින් ලබන්න කැමතියි. හැම ආගමකම දෙවිවරු දේව මණ්ඩලයේ ඉන්නව - හැබැයි දේව මණ්ඩලය සර්ව ආගමික පූට්ටුවක් නෙමෙයි)